إكرامي يوضح حقيقة رحيل رمضان صبحي عن بيراميدز ويهاجم نيدفيد
الجمعة، 17 أكتوبر 2025 03:48 م
-
مشاركة
-
-
-
-
شن إكرامي الشحات حارس مرمى الأهلي السابق، هجوما على كريم نيدفيد نجم القلعة الحمراء، بعد تصريحاته الأخيرة ضد رمضان صبحي قائده السابق ولاعب بيراميدز الحالي.
وقال إكرامي في تصريحاته: "كل الكلام اللي بيقال عن رمضان صبحي غلط، هل يعقل أن نادي بيراميدز يستغني عن رمضان والنادي سفره للعلاج في ألمانيا، كمان إزاي بيراميدز هيقرر رحيل رمضان بعدما جددله 3 سنوات"
رسالة انتقاد لنيدفيد
وأضاف حارس الأهلي السابق: لما لاعب يكلم على الكابتن بتاعه اللي كان بيحط عليه وميقدرش يفتح بوقه وهو موجود، لما يطلع يكلم عليه بالأسلوب ده يبقي عيب قوي، وهو أصلا مش عاوز أقول عليه لعيب قليل.. بس بقوله خليك في نفسك.
واختتم: مش معقول يكون نادي بيراميدز عاوز حسام عبد المجيد قصاد رمضان صبحي يروح الزمالك، هو فيه فلوس في نادي الزمالك في الوقت الحالي، رمضان مع بيراميدز زي ما كان مع الأهلي، ولكن الإصابات هي التي أبعدته
