فين الاحترام واللبس المحتشم؟.. رضا عبد العال يهاجم زوجة مروان عطية لهذا السبب

فتح الكابتن رضا عبد العال النار على ظاهرة اصطحاب اللاعبين لزوجاتهم داخل الملاعب، موجهاً انتقادات حادة لما وصفه بـ"المسخرة" التي أصبحت مشهدًا متكررًا في المباريات خلال الفترة الأخيرة.

رضا عبد العال يهاجم زوجة مروان عطية

وقال عبد العال في تصريحات إعلامية إن كرة القدم المصرية لم تعرف هذه التصرفات من قبل، مضيفًا: "إحنا بنلعب كورة من الستينات، عمرنا ما شفنا المنظر ده.. كل لاعب ساحب مراته وبيفرج الناس عليها!"

وأشار إلى أن بعض الزوجات أصبحن يتعاملن مع ظهورهن في الملاعب كوسيلة استعراض، قائلاً: "واحدة جايبة الدادة بتاعة بنتها عشان تقول للناس إنها عندها دادة، وجوزها ماشي وراها وفرحان!"

زوجات اللاعبين في المدرجات

وأضاف نجم الأهلي والزمالك السابق أن الأمر تجاوز حدود اللياقة، متسائلاً: "فين الاحترام؟ محمد صلاح مراته محترمة ومحجبة، ومبتروحش غير ماتشات معينة، مش كل ماتش نلاقيها هناك!"

رونالدو وزوجته

وتابع عبد العال حديثه مشيرًا إلى النجم العالمي كريستيانو رونالدو قائلاً: "حتى رونالدو مراته مبتنزلش أرضية الملعب، لكن إحنا عندنا الستات بقوا أكتر من الرجالة على النجيلة!"

واختتم تصريحاته قائلاً: "لازم حد يوقف المهزلة دي، الناس خلاص زهقت من اللي بتشوفه، ويا ريت كمان اللبس يكون محتشم عشان يكونوا قدوة للبنات."