شوبير يكشف صفقات الأهلي في يناير.. ومفاجأة جديدة

أحمد شوبير

تحدث الإعلامي أحمد شوبير، حارس مرمى الأهلي ومنتخب مصر السابق، عن الجدل الدائر حول صفقات الأهلي المحتملة في موسم الانتقالات الشتوية المقبل خلال شهر يناير، موضحًا أن الأمر لا يتعلق بعدد الصفقات بقدر ما يتعلق باختيار المراكز التي يحتاجها الفريق فعليًا.

وقال شوبير خلال برنامجه الإذاعي: "قصة صفقات الأهلي مش مجرد صفقات وخلاص، لكن لازم نسأل إحنا محتاجين إيه. الأهلي محتاج بالتأكيد مهاجم صريح، وكمان ظهير أيسر، لأن رغم وجود محمد شكري، إلا أن كوكا ومصطفى العش مش في الأساس لاعبين في هذا المركز، وبالتالي الفريق في حاجة لدعم واضح في الجبهة اليسرى."

وتابع شوبير: "في خط الدفاع عندك عدد كبير جدًا من اللاعبين، زي ياسر إبراهيم، وياسين مرعي، وأشرف داري، وبيكهام، والعش، والشاب أحمد عابدين. فيه كمان كلام عن وجود اتصالات مع محمد عبد المنعم لعودته في يناير، لكن بصراحة أنا ما تواصلتش معاه علشان أتأكد من صحة الكلام ده."

واختتم قائلًا: "الكلام عن إن الأهلي محتاج يضم 9 لاعبين دفعة واحدة مش منطقي، لازم نشوف الأول الفريق محتاج إيه بالضبط، وبعدين نسأل هتجيب كل دول منين؟"