قبل افتتاح المتحف المصري الكبير.. نصائح الأوقاف للمواطنين للتعامل مع السائحين
الخميس، 30 أكتوبر 2025 03:31 م
-
مشاركة
-
-
-
-
وجهت وزارة الأوقاف عدة نصائح للمواطنين، بشأن كيفية التعامل مع السائحين قبل يومين من افتتاح المتحف المصري الكبير، والمقرر له بعد غد السبت.
وكتبت الأوقاف عبر صفحتها الرسمية: "لما حد ييجي بلدك بيكون ضيف والضيف له مكانة.. له احترام.. وله واجب الكرم، السائح اللي بيزور مصر مش جاي علشان نعامله بجفاء أو نستغله، ده جاي علشان يشوف بلد عظيمة بلد حضارة، وتاريخ، وأخلاق",
وأضافت: "تخيل لو كل سائح رجع بلده وهو شايل في قلبه صورة جميلة عن مصر، هيحكي عنها بحب، وهيرجع تاني، وهيجيب معاه ناس كمان، وساعتها بلدنا مصر تكبر أكتر في عيون العالم".
وتابعت: "احترامك للسائح مش مجرد تصرف راقي ده في الحقيقة دعاية حقيقية لبلدك بابتسامة، بكلمة طيبة، بمساعدة بسيطة افتكر دايمًا: تصرفك مع السائح مش بيعبر عنك لوحدك ده بيعبر عننا كلنا".
