طفل المتحف يخطف الأنظار.. بتول عرفة تتنبأ بمستقبل باهر لـ أسر أحمد

تحدث المخرجة بتول عرفة على كواليس الطفل أسر أحمد حمدي، الذي خطف القلوب بظهوره اللافت في افتتاح المتحف المصري الكبير بالأمس.

وكتبت عرفة على صفحتها: "آسر أحمد حمدي، الطفل اللي شرف مصر امبارح بموهبته وحضوره الطاغي، ما وقفش في المكان دا من فراغ ولا بالصدفة، الطفل دا من وهو عنده أربع سنين والده اكتشف موهبته وقرر أنه دا يكون حلم عمره، استثمر في ابنه بكل ما يملك من مجهود ووقت وفلوس".

وتابعت: "استعان بمدربين تمثيل ورقص وغناء محترفين لتدريبه، أشتغل عليه بشكل احترافي جدًا، رفض أعمال كتير اتعرضت عليه علشان عايز ابنه يظهر بشكل يليق بموهبته، يعني حقيقي كان بيصنع نجم، مش بس كدا صرف تقريبًا كل ما يملك على إنتاج فيلم سينمائي بطولته هتشوفوه بإذن الله قريب.

واختتمت: أنا عشت جزء كبير من الرحلة دي وقادرة أفهم والده ووالدته امبارح كان إحساسهم إيه، الطفل القمر دا ابن زميلنا أحمد حمدي، مبروك أول سلمة حقيقية في ميلاد نجم كبير إن شاء الله.

بتول عرفة الطفل اسر المتحف الكبير المتحف المصري

اخبار متعلقة