" كلها بفلوس".. شيكابالا يتحدث عن أزمة المواهب في مصر

شيكابالا

تحدث محمود عبد الرازق شيكابالا، قائد الزمالك السابق، عن أزمة المواهب في الكرة المصرية وأسباب تراجع مستوى اللاعبين في مختلف الأندية خلال السنوات الأخيرة.

وقال شيكابالا في تصريحات للإعلامي معتز الدمرداش: «الموهبة في مصر قلت في الفترة الأخيرة، لأن الكرة بقت مقلوبة، اللي أبوه غلبان وفقير مش بيقدر يلعب، واللي أهله عندهم فلوس هم اللي ولادهم بيلعبوا».

وأضاف: «الناس مش بتاخد بالموهبة، لكنها بتسأل أنت هتدفع قد إيه؟ وهذا أثر على قطاع الناشئين بالأندية، وبالتالي على الفرق الكبيرة والمنتخبات المختلفة».

وأشار قائد الزمالك السابق إلى أن عدد الناشئين المشاركين في فرق الأهلي والزمالك قليل جدًا، قائلاً: «لو شوفنا فرق الأهلي والزمالك هتلاقي 3 ناشئين بس بيلعبوا، وهذا الحال في الفرق الكبرى الأخرى أيضًا».

وأوضح شيكابالا أن السبب يعود إلى تغيّر أساليب الأندية: «زمان الأندية كانت تعمل اختبارات دقيقة لاكتشاف المواهب من كل المحافظات، وتلاقي ناس جاية من الصعيد أو من الريف ويستحقوا اللعب، لكن دلوقتي مش موجودين لأن مش معاهم فلوس».

واختتم تصريحاته قائلاً: «الكرة بقت فلوس حتى في قطاع الناشئين، والأندية أصبحت استثمارية، واللاعب اللي يدفع فلوس ابنه هو اللي بيلعب».