توك شو

«كان ممكن يعملها حاجة في الضلمة».. نيفين مختار تخاطر بحياتها لإنقاذ فتاة بالساحل

قالت الداعية الإسلامية الدكتورة نيفين مختار إن تعلم آداب الطريق من أهم القيم التي دعا إليها الإسلام، مشيرة إلى أن «إماطة الأذى عن الطريق صدقة» ليست مجرد قول، بل سلوك يعكس وعي المسلم وإيمانه الحقيقي، فالنظافة والاحترام في الشارع جزء لا يتجزأ من عبادة الإنسان لربه.

آداب الطريق

وقالت نيفين مختارخلال لقائها مع شريف عبد البديع والإعلامية آية شعيب، مقدمة برنامج انا وهو وهي، المذاع على قناة صدى البلد: يعني إحنا لو اتعلمنا آداب الطريق بجد، والله مش هيبقى في حد يرمي حاجة في الشارع. تخيلوا إن في ناس بترمي علب كانز أو إزازات من العربية على المارة، طب ما ممكن تيجي في طفل صغير أو راجل قاعد على الرصيف؟ ده أذى، والنبي ﷺ قال (إماطة الأذى عن الطريق صدقة).

وتابعت: مش معقول نكون بنرمي الزبالة في الشارع ونقول إحنا كده نضاف، دي مش نظافة، ده عكس الإيمان، لأن النظافة الحقيقية إنك تحافظ على المكان اللي حواليك زيه زي بيتك بالظبط.

وتحدثت أيضًا عن معنى الأمر بالمعروف والنهي عن المنكر قائلة: مرة كنت ماشية في الساحل، شفت واحد بيعاكس بنت وبيكسر عليها بالعربية، أنا دخلت بعربيتي بينهم، وقلت له لأ مش هيحصل، دي زي بنتي بالظبط، سترت عليها وربنا سترها، وركبت البنت معايا، والوقت كان داخل على المغرب وكان ممكن في الضلمة حد يعمل فيها حاجة.