كشف مطرب المهرجانات مسلم، حقيقة احتجاجه في نقابة المهن الموسيقية احتجاجًا على قرار منعه من ممارسة المهنة منذ مارس الماضي.
وقال مسلم: مكانش فيه وقفة احتجاجية، كل الكلام ده كذب وإشاعات، هنزل أعمل وقفة احتجاجية عند النقابة؟ ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده، أنا النهارده كان عندي مشكلة مع شركة كبيرة للإنتاج الصوتي، خلصت معاها المشكلة وخدت عقد، واللي أعرفه إنه لو جبت العقد وخلصت المشكلة هرجع أشتغل".
وأضاف:"كنت رايح النهارده النقابة علشان أحل وارجع، وواحد صحفي كلمني وقال لي هاجي معاك علشان لو رجعت تعرف الناس إنك رجعت، وأنا قلت له طالما الناس كلها عرفت إني موقوف، وقلت لو رجعوني النهارده، وكنت واثق في ربنا، كنت هقول إني رجعت، فرقتي كانت هناك ربعها فقط، حوالي ٦ أو ٧، مستنياني علشان نحل المشكلة مرة واحدة، لقوا صحافة كتير، حوالي ١٥ صحفي، ولكن أنا كنت رايح بحسن نية، وحد كلمني من الفرقة قال لي ارجع".
