كتب الفنان محمد رمضان، رسالة نعي مؤثرة لوالده، بعد وفاته فجر اليوم الجمعة، حيث كانت تربطهما علاقة قوية.
ونشر محمد رمضان على صفحته: "أبويا هو كل حاجة في حياتي، إحنا ماشيين ببركته، عمره ما كان ليه صاحب يدخل بيتنا، بينام بدري ويصحى قبل الفجر يصلي قيام الليل، وبعدها يقرأ الجرائد ثم المصحف، لأنه حافظ القرآن كله والحمد لله".
وأضاف: "اتعلمت من أبويا الالتزام والرضا، عمره ما كان يشغل باله بالدنيا، وهو في نفس الوقت مصدر الكوميديا في حياتي، بيضحكني بفطرته وبساطته، كنت دايمًا أستغرب إن طموحه الوحيد هو إحنا، إنه يشوفنا بخير وأفضل من كده".
واختتم محمد رمضان حديثه: "كان أقصى حلم لوالدى إنه يطلع الحج، وبعد ما حج بقى كل اللي يهمه هو أولاده، أنا فعلاً محظوظ إن ربنا رزقني بأب وأم كل طموحهم في الحياة إن أولادهم يكونوا كويسين".
