كريم الحو يخرج عن صمته ويرد على تهديدات عائلة محمد فوزي بعد تكذيب صلة القرابة بينهما

رد المتسابق كريم الحو لأول مرة على الأزمة التي أثيرت مؤخرا، بعد ظهوره في برنامج ذا فويس وإعلانه صلة القرابة بينه وبينه محمد فوزي.

وقال كريم: الموضوع بقى رأي عام في البلد عن أني بكذب وبدعي إني قريب محمد فوزي الحقيق، لما طلعت في البرنامج قلت إنه ابن عن جدي بالتحديد ومحمد فوزي أصله من طنطا، وعائلة الحو لها كذا فرع، وده معروف، وليها فرع في كل حتة أنا من فرع من الفروع دي

وأضاف: قصتي كلها إن جدي راح عاش في الإسكندرية وأتجوز وخلف والدي وهو لما اتجوز سافر إسماعيلية وأنا اتولدت في إسماعيلية، وعلشان كده معروف إني إسماعيلية دي القصة كلها باختصار.

وتابع: العائلة كلها بتدعمني، ورجاله كتير كلموني واعتذروا، وقالوا إنهم بيعتذروا على إنهم نفوا إني من العائلة وده بعد ما بعتله البطاقة، وأنا مش هرد على أي حد غلط فيا واستاء ليا هم قالوا إنهم هيرفعوا قضية، بس أنا مش ههتم أنا معايا الدليل.

واختتم: أنا مش من طبيعتي إني أقول إني حفيد محمد فوزي من غير دليل، أنا اسمي في البطاقة كريم محمد أحمد الحو.