حلمي عبد الباقي يرد على إهانة مصطفى كامل: لو سيبت حقي أموت أحسن

تصاعدت الأزمة بين الفنان حلمي عبد الباقي والفنان مصطفى كامل بعد انتشار تسجيل صوتي منسوب للأخير تضمن إساءة لعبد الباقي، ما دفعه للرد برسالة حادة عبر تصريحات جديدة أكد خلالها أنه لن يتنازل عن حقه، معلنًا تقديم روايته الكاملة للجمهور والجمعية العمومية.

أزمة حلمي عبد الباقي ومصطفى كامل

قال حلمي عبد الباقي في فيديو نشره عبر حسابه على فيسبوك إنه لم يُقصّر يومًا في خدمة أعضاء النقابة خلال سنوات عمله، موضحًا: «عايز أسأل الجمعية العمومية كلها.. هل قصّرت مع حد؟ أيام النقيب هاني شاكر كنت ماسك لجنة الخدمات، وفي أزمة كورونا كنت بنزل أسلّم الجوابات لحد بيوت الناس، وعملت بروتوكولات مع المستشفيات لخدمة الأعضاء».

وأضاف أن أي اعتراض على خدماته يُعد محاولة لزعزعة استقرار النقابة، قائلاً: أي حد بيعترض بيزايد وبيتآمر.. فيه ناس عايزة تهد النقابة.

سب وشتيمة حلمي عبد الباقي

وعن التسجيل الصوتي المسرب قال: اتفاجئت بتسجيل صوتي فيه شتيمة وإهانة صعبة جدًا.. رغم إني كنت واقف معاك في الانتخابات ولفّيت معاك مصر كلها، لكن ناس قالولك إن حلمي بيخدم عشان يبقى نقيب.. وإنت صدّقت.

وتأثر عبد الباقي خلال رسالته مشيرًا إلى أسرته: أنا راجل محترم وولادي وأسرتي محترمين.. لما يسمعوا الكلام ده هيقولوا إيه، أنا مش هسيب حقي.. لو سيبته أموت أحسن.. والأيام الجاية هي اللي هتبين.