رامي إمام يكشف كواليس تعاونه مع والده.. وموقفه من "البحث عن فضيحة"

تحدث المخرج رامي إمام، عن كواليس تعاونه مع والده عادل إمام.

وقال رامي إمام: أنا عملت أعمال كتير منها أمير الظلام، وجميع المسلسلات اللي فيها أكشن ودراما، لكن دايمًا لما الناس توقفني في الشارع تسألني عن غبي منه فيه، وفين الجزء التاني، كمان فيلم 1/8 دستة أشرار، الفيلم ده من أحلى الأفلام اللي قريبة لقلبي، التجميعة دي مكنتش متواجدة سنة 2006، وكان فيه روح حلوة، والأجواء واللوكيشنز كانت حلوة، وياسمين عبد العزيز إنها تقول نجيب نيكول سابا تبقى موجودة علشان تضيف كفنانة في ناحية الجمال البلدي اللي بتلعبه.

واضاف: الشغل مع عادل إمام مش مختلف عن الشغل مع الناس الكبار، لأن في الأول وفي الآخر كل فنان ليه توجه وفكر معين، هو أبسط واحد موجود في اللوكيشن، وبيتقبل توجهات المخرج، وبييجي بدري، وتجربتي معاه الناس كلها تشهد عليها. العراف من أحلى الأعمال، والناس في الشارع بتكلمني عن صاحب السعادة قد إيه مأثر فيهم.

كما تحدث عن تعاونه مع هشام ماجد، قائلًا: هشام ماجد بنعمل مع بعض البحث عن الفضيحة، هو حبيبي ومحترم وبيحترم شغله وهادي. والدي عادل إمام رحب بالتجربة، وهي مهمة أوي وليّا على المستوى الشخصي إننا نعرّف الجيل الجديد بأفلامنا والتراث الفني القديم.