رد ساخن من أمير طعيمة على منتقدي فيلم "الست"

رد السيناريست أمير طعيمة، على الأراء التي انتقدته في الساعات الأخيرة بعد رأيه في فيلم "الست"، والذي تقوم ببطولته منى زكي لتجسيد السيرة الذاتية لـ أم كلثوم.

وكتب أمير طعيمة عبر صفحته: "بقيت أشفق على بعض الناس مش بزعل منهم، أي موضوع بتطرح فيه وجهة نظر بتلاقي بعض الناس متوترين وعنيفين، ده غير اللي بيستخدموا الفاظ تحبسهم لمجرد أن رأيك مش عاجبهم، آراء عادية تقدر تختلف وتقول رأيك باحترام وموضوع مش صعب خالص".

وأضاف: "مش صعب تكون انسان طبيعي وتفكر في اللي بتكتبه قبل ما تكتبه عشان يطلع بصورة كويسة تعكس ثقافتك واحترامك لنفسك، ده غير اللي بتجيله طاقة عنيفة وبيهاجم حاجات ممكن تكون مش موجودة في البوست أصلا".

وتابع: "زي اللي قالوا ان مش معنى الإنتاج الضخم أن العمل لازم نشيد بيه، وده انا ما قلتوش بالعكس ده أنا قلت عكسه، قلت من حقك انك تقول رأيك و ما يعجبكش أي عمل مهما كانت الامكانيات وذكرت أعمال عظيمة وقلت من حقك ما تعجبكش".

وأنهى: "واعتراضي كان على اقحام نظرية المؤامرة في غير محلها، ارتقي عشان نفسك وعشان احترام الغير ليك نابع من احترامك لنفسك