إيمي سمير غانم: نفسي السوشيال ميديا تقفل.. وعندي وسواس من كورونا
كتب : فاطمة الشاذلي
الأحد، 21 ديسمبر 2025 12:09 م
-
مشاركة
-
-
-
-
تحدثت إيمي سمير غانم، عن كواليس حياتها منذ ابتعادها عن الساحة بسبب الأطفال، وكواليس مرض والدها سمير غانم وزوجته دلال عبد العزيز بمرض كورونا
وقالت إيمي سمير غانم: ماشتغلتش وقت كورونا عشان خايفة عليهم يتعبوا، اشتغلوا هما واتوفوا، كنت بقفل الباب بالمفتاح وقت كورونا عشان بابي ومامي مايخرجوش وكان عندي وسواس وخوف من كورونا، وسبحان الله جالهم هما الأتنين كورونا.
وأضافت ايمي سمير غانم: لو حسن إتجوز عليا هايبقى حقه بس هو حسن أصلًا ضد أنه كان يتجوز واحدة فا هيتجوز تاني إزاي، ومستوى الغيرة عندي عالي طبعًا بس دلوقتي ماعنديش وقت، هو عمره ما عرفني باسورد تليفونه بس أنا عندي الطرق اللي بعرف بيها لكن دلوقتي ماعنديش الطاقة إني أدور على الباسورد.
سبب غيابها
وأوضحت: ضعف سيناريو الأعمال الكوميدية هو سبب غيابي وخايفة أقدم جزء ثاني من مسلسل نيللي وشيرهان، لأنه من الممكن ميحققش نفس النجاح اللي حققه قبل ذلك.
وعن السوشيال ميديا: نفسي ننام ونصحى نلاقي السوشيال ميديا قفلت
