زوج المطربة شاهيناز يوضح الخلاف بينهما: «كنت بدافع عن نفسي»

?????? ???????? ??? ????? ???

قال رجل الأعمال إيهاب محمود، زوج المطربة شاهيناز ضياء، اليوم الأحد، إن ما تروجه زوجته عبر السوشيال ميديا غير صحيح على الأطلاق.

وأضاف "محمود"، خلال مداخلة هاتفية ببرنامج "حضرة المواطن"، المُذاع عبر فضائية "الحدث اليوم"،: «أنا اتفاجئت بالكلام إللي زوجتي قالته ونشرته، وهي قالت كلام محصلش، وأنا لحد دلوقتي ساكت متكلمتش، واتشهر بيا علي السوشيال ميديا».

وواصل: «أنا عرفت إن مراتي خارج مصر بقالها أسبوع، كانت في دبي وإندونيسيا، ومكنتش أعرف إنها مسافره، وهي المفروض كانت معرفاني إنها مسافره الجونة أو العين السخنة علشان شغل، واتفقنا إنها تسيب معايا ابننا».

وتابع: «أنا أخذت ابني عادي من والدتها، واتفاجئت إنها مسافرة خارج مصر، والولد كان معايا مخطفتهوش زي هي ما قالت، وهي بتقول إني اعتديت عليها وضربتها هي ووالدتها، ووالدتها مفيش فيها أي إصابات».

واستطرد: «زوجتي عندها جيوب أنفية وأي لمسة في أنفها بتنزل دم، وهي خدت سيلفي ونشرت صورة تقول إني خطفت ابنها، وأنا اتفاجئت بالكلام دا كله، وفضلت ساكت لحد أما لقيت الدنيا اتشهرت واتطورت».

وأوضح رجل الأعمال: «أنا ايدي ما اتمدتش عليها، وكنت بدافع عن نفسي أما هما كانوا بيتعدوا عليا، ومرضيتش أضربها علشان ما يتقالش إني ضربت ستات».