قاتل طالبة المنصورة: حد قال لي دي مَصِّت دمَّك وفي الآخر سبتك

قال محمد عادل الطالب بالفرقة الثالثة بكلية الآداب جامعة المنصورة؛ المتهم بقتل نيرة أشرف أمام أسوار الجامعة، لفشله في الارتباط بها، إنهما انفصلا عن بعضهما لمدة 3 أشهر، ثم عاد للحديث معها مرة أخرى، وبعدها حررت نيرة أشرف ضده محضرا في قسم الشرطة لعدم تعرضه لها لأنه كان يطاردها بعد أن تقدم لها ورفضته.

وأضاف المتهم بقتل نيرة أشرف، أمام محكمة جنايات المنصورة صباح اليوم الأحد في أولى جلسات محاكمته، برئاسة المستشار بهاء الدين المري رئيس المحكمة: وريت موبايلي لأحد الأشخاص فقالي دي مصت دمك وفي الآخر سبتك أنا لو منك أسيبني منها، وأخدت الشتائم والصور وبعتها لأهلها وطلبوا نلم الموضوع جابوا بلطجية ومضوني على إيصالات.

وتابع المتهم بقتل نيرة أشرف: فكرت في قتلها لما يأست واتهددت، وتعبت عايز أرد اعتباري؛ لأني اتهنت، واشتريت السكينة قبل الجريمة بكام يوم، وفي رمضان اللي فات بعتت لي تهديد، وقالت لي هبعت لك ناس، وبعتولي بلطجية لحد بيتي، وأهل المنطقة عارفيني وعارفين قرايبي، ومحاولتش أقتلها قبل كده.

وكمل حديثه: كان بييجي في دماغي أقتلها، بس أنا كنت بقول لأ، مش عايز أوصَّلها لكده، لحد ما جه اليوم ده، وقولت خلاص، مفيش أمل، ولو أنا سكت عن كده، أنا اللي هتأذي، وممكن تعمل هي حاجة فيا، وآخر ناس بعتوهم، طلعوا عارفين أهلي، موارضيوش يعملوا حاجه فيا.

وكانت الأجهزة الأمنية بمديرية أمن الدقهلية، كثفت من تواجدها الأمني في محيط مجمع محاكم المنصورة، استعدادا لمحاكمة المتهم بقتل نيرة طالبة جامعة المنصورة، حيث تم الدفع بمدرعات شرطية أمام المجمع، ووضع كمائن ثابتة ومتحركة في محيطه.