السيسي: يا جماعة يا بتوع ربنا أنتم بتفضلو تدعو وبتظلمو الدعاء معاكم

قال الرئيس عبد الفتاح السيسي: "يا جماعة يا بتوع ربنا، انتوا بتفضلوا تدعوا وبتظلموا الدعاء وبتظلموا العلاقة مع الله، محدش هينام من غير عشاء صحيح، لكن انت مكنتش حسيب على ظروفك".

صرح الرئيس عبد الفتاح السيسي: "المدن الجديدة اللي بتتعمل مش شكل، دي أهداف بتتحقق، ولو فضل نمونا السكاني بالشكل محدش هيقدر يحل الأزمة، وارضوا بقا، ومحدش هيقدر يعمل أكتر من الل بنعمله دا، وبلادنا محتاجة صبر وعمل أونسيب البلد دي تضيع وميكونش في فايدة، أوربنا يجيب لنا موارد ليست في الحسبان".

وقال الرئيس عبد الفتاح السيسي: نحن نعمل وفق تصور شامل لأي مشروع ومسار، اللي ممكن يتفرج علينا دلوقتي بيفتكر إن المدينة شكلها حلو، كان عندنا لحماية الشواطئ حلين، وهو إننا نحقق أهداف كثيرة بإجراء 1، أو إننا نعمل حواجز ودي تكلفتها عالية، خاصة وأن منسوب الدلتا سينخف متر أو 2 خلال الـ50 سنة المقبلة".

وتابع الرئيس السيسي: "محطة تحلية المياله ضمن خطة الدولة لتحلية المياه المطلة على البحرين، وحاليا ما لدينا من مياه أقل من 500م3 في السنة، ومحتاجين نقابل النمو في الطلب على المياه بالنمو السكاني، والكلام دا خطة خبراء وعلماء، مش حاطط رجل على رجل وأقول كلمتين وخلاص، لا دا خيرة علماء الجامعة اللي حطط التصورات للمشروعات دي، والدولة كانت بتفكر فيه والظروف مكانتش سامحة".

واستكمل: "المدن الجديدة كلها فيها محطات تحلية بتكلفة كبيرة، واللقاءات دي فرصة للكلام مع نفسنا وأهلنا في كل الدولة، دي مش فلوس زيادة معانا بنصرفها كدا، ولما بنقول النمو السكاني هياكل البلد دي إحنا مبنخوفكمش، هل يرضي ربنا إننا نعيش اللي كننا فيه من 100 سنة وبعد ما الدنيا تقدمت دلوقتي، ده غياب وعدم حضور للدولة.

قال الدكتور عاصم الجزار، وزير الإسكان، حجم سكان إقليم الدلتا 20.6 مليون نسمة، وهو ثاني أكبر إقليم من حيث السكان بعد إقليم القاهرة الكبرى، وأقل إقليم لاستيعاب الأنشطة وعدد السكان؛ لاعتماده على الزراعة والصيد.

ولفت وزير الإسكان، خلال كلمته بافتتاح المرحلة الاولى من ميدنة المنصورة الجديدة، إلى أن هناك عدم اتزان في توزيع سكان الدلتا، بنسبة 28% لسكان الحضر، والباقي في الريف، وهذا ينتج عنه مستويات الخدمات تكون محدودة لمؤشرات النمو.

وقال السفير بسام راضي، المتحدث الرسمي باسم رئاسة الجمهورية، إن الرئيس عبد الفتاح السيسي يفتتح  بعد قليل، مدينة المنصورة الجديدة وجامعة المنصورة الجديدة، إضافة إلى إجرائه جولة تفقدية لقرية الحصص، التابعة لمركز شربين، إحدى قرى مبادرة "حياة كريمة". 

ونوه المتحدث الرسمي باسم رئاسة الجمهورية، أن مدينة المنصورة الجديدة التى تتوسط محافظات الدقهلية وكفر الشيخ ودمياط، تاتي ضمن مجموعة المدن الذكية الجديدة التي شرعت الدولة فى تشييدها على امتداد رقعة الجمهورية.

 وتابع "راضي": "تعتبر –المنصورة الجديدة- أحد شرايين التنمية فى ساحل مصر الشمالي، حيث تحتوي علي جميع المرافق والخدمات من مناطق حكومية وأسواق، ودور عبادة، ومناطق ثقافية وترفيهية، ومناطق خاصة بالمطاعم، وحدائق مركزية باطلالة علي ساحلية على البحر المتوسط بطول ١٥ كيلو مترًا".