من هو القط مشمش الذي أبكى رواد السوشيال ميديا؟

تداول رواد مواقع التواصل الاجتماعي بشكل واسع منشور لرجل الأربعيني، يودع صديقه القط “مشمش”، بعد نفوقه، معبرًا عن حبه وتقديره لصديق مرحلة الثانوية العامة إلى جميع المراحل التي تبعتها من دراسة وعمل وزواج وأبوة.

وودع الرجل الأربعيني أحمد عبد الغفار، قطه الأليف الذي نفق عن عمر الـ20 عامًا إثر معاناته من أمراض الشيخوخة، عبر موقع التواصل الاجتماعي "فيس بوك"، قائلًا: "كل مرحلة وليها صاحب بس انت صاحبي في كل المراحل، هتوحشني ياصاحب عمري، إنتا في نظرهم مجرد قط بس عندي ربنا يعلم أهم من كل البني آدمين اللي عرفتهم".

قبل ساعات من نفوق القط مشمش، كتب عبد الغفار، عبر صفحته على “فيسبوك”: “الناس اللي بتبعتلي تطمن على مشمش، الحالة صعبة، ادعوله درجة حرارته 31 وهي المفروض تكون 37، ودخل في مرحلة جفاف وقطع الأكل والشرب غير تعب الكبد والكلى، الدكتور حاتم متاخرش أول لما كلمته وجالي علقنا له محاليل وحقن وكمادات مية سخنة رفعنا الحرارة شوية وشغلتله الدفاية ربنا يستر لحد بكرة ادعوله”. 

وبعد ساعات من نفوق القط مشمش كتب: “عارف إنك هاتشهدلي عند ربنا وهاتقوله أني أكرمتك لآخر يوم وحتى لما كبرت وعجزت واتعميت واسنانك وقعت ومابقتش تقدر تاكل لوحدك ولا بتنضف نفسك، كنت بأكلك بأيدي وانضفك وأديك العلاج بكل نفس راضية، ولما كانوا عاوزني أديك حقنة الرحمة وأنا رفضت وقولتلهم أنا اللي بخدمك وأنا راضي ولو عشت 20 سنة كمان والله كنت هافضل أخدمك بس ربنا اختار إنه يريحك، مع السلامة ياصاحبي”.

وأوضح: «الناس كلها بتجيب لابنها قط عشان يربيه لكن أنا حصل العكس، جبت للقط بتاعي ابني يربيه، أنا كان مشمش عندي من قبل ما أتجوز بحوالي 10 سنين، يعني لما ربنا رزقني بمازن كان مشمش عنده حوالي 12 سنة يعني مشمش هو اللي ربى مازن، مش مازن اللي رباه، وكان أد المسؤولية».

واختتم الرجل الأربعيني في منشور بعد نفوق قطه الشهير “مشمش”: علاج مشمش موجود لو حد محتاجه لأي قط تعبان يبعتلي يأخده”.