بحضور الرئيس السيسي.. كندة علوش تشارك فى احتفالية "قادرون باختلاف"

شاركت النجمة السورية كندة علوش والفنان كريم فهمي وعمرو يوسف في احتفالية قادرون باختلاف النسخة الرابعة المقامة حاليا فى مركز المنارة للمؤتمرات.

قامت الفنانة كندة علوش بتقديم فقرة بعنوان "أبطال الحكاية" لتقديم الدعم إلى أهالى ذوى الهمم، وذلك بحضور الرئيس عبد الفتاح السيسي، وقالت: "سعيدة جدا إنى موجودة معاكم النهاردة فى احتفالية قادرون باختلاف، أنا قبل ما أكون أم لطفلين، كنت شايفة إن الدور اللى بيلعبه الأهالى دور مهم، ولكن النهاردة بعد ما بقيت أم عرفت إنه دور عظيم ومبهر".

وتابعت "كلنا كأمهات بنحس إننا هنقع أو هننكسر ومش هنعرف نقوم، ونبقى محتارين هناخد القوة والدعم منين، أنا بحيى كل أم وكل أب موجودين معانا وقادرة أتخيل الإحباط والانكسار، اللى عديتوا بيه، وقادرة أتخيل الإصرار والتحدى إنكم تكملوا، شكرا لكل أب وأم هم الأبطال الحقيقين خلقوا أبطال حقيقين".

ووجهت كندة الشكر إلى الرئيس عبد الفتاح السيسى، قائلة: "شكرا الرئيس إنك كنت مصدر دعم وقوة ليهم، وطبطبت عليهم، وبفضل سعادتك وبفضل قادرون باختلاف خلاهم بيمشوا فخورين مش مكسوفين، رافعين رأسهم، بقى كل أم وأب فخورين باللى عندهم".