«جوزي طلع خائن وبيعمل حاجات وحشة مع العيانين» زوجة أمام محكمة الاسرة

«جوزي طلع خائن وبيعمل حاجات وحشة مع العيانين».. داخل محكمة الأسرة الجيزة، ربة منزل تحكي عن زوجها الخائن.. المتعدد العلاقات مع السيدات التي تعاني من أمراض واضطرابات نفسية.

وقالت الزوجة في دعواها أمام جهات التحقيقات: جوزي دكتور نفسي بيستغل عمله ويقوم بمعاشرتهم في عيادته بحجة العلاج.

وأكملت الزوجة حكيتها: متجوزين منذ 5 سنوات، في البداية اتقدملي،  وقتها كنت خايفة أوافق عليه عشان وسامته  كانت بتحسسني أن النساء مش هتسيبه في حاله، خصوصا أن طبيعة شغله بتخليه يتعرف على ستات أشكال وألوان، لكن في الآخر وافقت بسبب أسرتي.

وأضافت الزوجة بحديث يملؤه خيبة الأمل، وتقول: في السنة الأولى من الجواز، بدأت أدرك أنه مش إنسان بيستغل النساء اللي بتروحله العيادة ويطلبهم للعلاقة الجنسية معاه عرفت كل ده من جيراني والستات والرجالة اللي في المنطقة قالولي سمعته بقيت مش كويسة بسبب كم الستات اللي ضحك عليهم وخد فلوسهم وبدل ما يعالجهم كان بيستغلهم جنسيا.

وأضافت الزوجة حكيتها في دعواها أمام محكمة الأسرة،  قررت أواجهه بكل اللي سمعته رد وقتها وقالي مفيش الكلام دا محصلش "ده مجرد اهتمام علشان حالتهم تتحسن "، معرفتش أرد عليه غير بأني أسيبله البيت وأخد بنتي وأروح علي بيت أهلي.

واختتمت الزوجة في دعواها ، في الآخر قررت أخلعه في لما حسيت أن الخيانة في دمه ومش هيتغير وخصوصا أنها مش واحده وكمان مبقاش يصرف علي ابنته ولا حتي بيشوفها بعد كل اللي عمله،  لحد ما وصل بي الأمر أني جيت للمحكمة.