كلمة الرئيس السيسي خلال المؤتمر الأول للتحالف الوطني للعمل الأهلي التنموي (فيديو)

وجه الرئيس عبد الفتاح السيسي، رسالة مهمة للشعب المصري، اليوم الإثنين، قائلًا: "اسمعوا مننا مش عشان إحنا أصدق من غيرنا، ولكننا مدركين لحجم التحدي أكتر من غيرنا، والبيانات والأرقام والحلول، بتبقى مطروحة من الدولة، والاجتهاد من الآخرين ليس مرفوضًا أو مكروهًا، ولكنه قد يحدث بلبلة".

وصرح الرئيس السيسي، خلال كمته بالمؤتمر الأول للتحالف الوطني للعمل الأهلي التنموي، بأنه يتكلم بصراحة للمصرين، مضيفًا: "أنا شايف الناس لما بتتكلم، بيقولوا كلام مش متنظم ومش مترتب، كلام بتاع ناس متعرفش حاجة، وأي اجتهاد قد يحدث بلبلة ويزعج الناس، أكتر ما الظروف عامله، والظروف اللي موجودة في مصر، و في العالم كله، ضغطة على الناس".

وقال: "لو أنا النهاردة خوفتكم النتيجة إيه؟، هو احنا منقدرش كدولة وشعب نصمد أمام أي تحدي، هو مصر لو ظروفها صعبة هل سنتخلى عنها؟، هو إحنا دخلنا حروب أو مغامرات ضيعنا فيها أموال مصر، لا؛ الظروف صعبة على الدنيا كلها، والحرب دي مش بتاعتنا، ومصر تدفع ثمن الظروف بسبب أزمة كورونا والحرب الروسية الأوكرانية، فمصر تدفع ثمن كما تدفعه كل دول العالم، وهقول تعبير ممكن متنسهوش، بطلوا هري بقى".

وفي سياق آخر، شكر الرئيس السيسي، النماذج المستفيدة من مبادرة "التمكين الاقتصادي" للتحالف الوطني للعمل الأهلي الوطني التنموي، متابعًا: "لازم أشكركم وأحييكم، ربنا يوفقكم، انتوا نماذج ضمن عدد كبير من مصريات ومصريين شغالين في إطار الاستفادة من مبادرة التمكين الاقتصادي، وأصبحتوا مثال ونموذج للناس".

وشدد على أنه على تواصل مستمر ودائم مع منظمات المجتمع المدني، كما أن عام 2023 لمزيد من الجهد الأهلي لأن الظروف صعبة، موضحًا: "بتكلم بمنتتهى الصراحة، وده ومش معناه أن الدولة مش هتقوم بدورها في هذا الموضوع، لكن عاوز أقول إن الظرف صعب جدا".

وأشاد الرئيس السيسي، بدور العاملين في المجتمع المدني، قائلًا: "ده دور إحنا محتاجينه، وهي تقوم بدور لن تستطع الحكومة تقديمه بنفس الكفاءة"، مضيفًا: "هناك أكثر من 50 ألف جمعية أهلية في مصر، وأتمنى انضمام مزيد من الجمعيات الأهلية".