الرئيس السيسي يوجه رسالة لمزارعين مصر.. ويؤكد: نسعى لزيادة الإنتاج وتقليل المياه (فيديو)

شكر الرئيس عبد الفتاح السيسي، جميع النماذج من المزارعين المستفيدين من مبادرة ازرع من الدلتا والصعيد، مضيفًا: "جميع المبادرات زي الفل ومحل تقدير ودعم منا، ولكن الزراعة تحديدًا نحن نزع في الصعيد حوالي 350 ألف فدان من القصب".

وصرح الرئيس السيسي، خلال كلمته بالمؤتمر الأول للتحالف الوطني للعمل الأهلي التنموي: "نستهدف قدرة التحالف الوطني للعمل الأهلي التنموي للوصول إلى المزارعين ودعمهم"، متابعًا: "وزارة الزراعة فيها موظفين ما يقدروش يقدوا اللي انتوا بتعملوه".

وذكر: "طيب لو اتعمل فدان قصب بزراعة حديثة يقلل كمية المياه 10 % في 350 ألف فدان، هذا رقم كبير جدًا، ويزود 40 % من الإنتاج، وقدرتوا توصلوا لهذا بالتعاون مع وزارة الزراعة، لأن المزارع بسيب الحاجة في الأرض 5 سنين "، مؤكدًا أنه حال النجاح في زراعة القصب، وتحقيق توفير في المياه وإنتاجية أكبر بالتعاون مع وزارتي الزراعة والري، سيكون إضافة كبيرة والدولة تستهدف ارتفاع إنتاجية الفدان وتوفير المياه.

وأشار الرئيس السيسي: "الفدان كان ينتج 12 و14 أردب قمح والآن 20 و22 مع 150 ألف فدان هذه قيمة كبيرة ومعتبرة جدا، واليوم وإحنا نتكلم بنقول إننا هنبقى مع بعض ومستعدين نتعاون مع وزارة الزراعة أكتر، والناس يجب ألا تستقل بما يحققوه من إنجازات، لأن هذا يتم بشكل جمعي، ويستفيد به كتلة المزارعين".

وفي سياق متواصل، قال: "لما اتكلمت على رؤوس الماشية، أختنا كانت بتقول بنتج 25 كيلو لبن غيرها يطلع 7 كيلو، لما اتكلمت فيها كنت بتكلم على استهداف بحلم والوصول لمليون رأس، حد يقول ده برنامج يقعد 10 أو 15 سنة، بيكم ومع غيركم سنحقق الحلم"، متابعًا: "لو عندي فدان قصب كان بيجيب 40 طنا وجاب 50 أو 60 ومياه أقل سيحقق نتائج كبيرة لنا جميعًا، ويزود 20 % من الإنتاج على نفس مساحة الأرص، دة جهد آخر محتاجين نشتغل فيه مع بعض علشان خاطر بلدنا، ونحن سعداء باللى انتوا حققتوه، وبشكر كل مزارعين مصر".