علي الحجار: مراتي قدرت تحتويني ومسميها أبلة الناظرة

https://www.youtube.com/watch?v=zE06KvX019A

احتفل الفنان علي الحجار بعيد زواجه الـ 20، مؤكدًا أن هذه السنوات كانت من أفضل ما مر به خلال عمره.

وقال الحجار، في تصريحات تليفزيونية: "الجواز بالنسبالي حاجة كبيرة أوي، ومراتي قدرت تحتويني، وبقالنا شهر بنشوف هنحجز قاعة في مكان ونلبس عريس وعروسة ولكن الحمد لله أصحابنا جم وأسعدونا جدًا، وكان يوم حلو".

وتابع: "أنا مؤمن أن الحب بيعالج أي حاجة في الدنيا وخلاني أنا وهي مع بعض 20 سنة، مراتي مش بتطنش أي حاجة، أنا مسميها "أبلة الناظرة"، والنقد السلبي عندها أكتر ما تقولي مميزاتي".

وأكمل: "مراتي هي مرايتي الحقيقية وصريحة جدًا معايا، وده اللي بيحتاجه أي فنان بيحتاج مراية ليه، وكثرة المعجبين بيخلي الواحد يصدق نفسه، لكن هي دايمًا مرايتي الحقيقية، إحنا أصدقاء جدًا، وبنتعامل مع بعض كده، وده نافعنا إحنا الاتنين".