السيسي: لا ننساق وراء مواقع تريد الفتنة مع الأشقاء في المملكة العربية السعودية

قال الرئيس السيسي: "سياسية مصر تتسم بالاعتدال والانضباط تجاه الجميع في الداخل والخارج، وبشوف أن ساعات بيكون فيه حماس زيادة أو تجاوزات في الكلام، مش بتكلم عن الموضوعات المحلية، بتكلم عن علاقاتنا مع الأشقاء في الخارج، وبالتالي لما يكون في موضوع متداول دون خلفية أو أساس من الصحة، طب ليه نمشي ورا بعض المواقع اللي عاوزة تعمل فتنة مع الأشقاء".

 وأضاف الرئيس السيسي: "إحنا مش بنكتب إلا عشان تحسين علاقتنا مع الأشقاء، ودا مسار أنا بنتهجه حتى في الخلافات، ميصحش أننا نسيء ومننساش وقفة أشقاءنا معانا، لا تنسوا الفضل بينكم، إحنا حريصين كدولة لا ننساق وراء مواقع تريد الفتنة مع الأشقاء في المملكة العربية السعودية، حتى الأزمة اللي موجود مع إثيوبيا لو تلاحظوا إننا مبنقولش حاجة تسيء".

وعلق الرئيس السيسي: "في البرلمان بيقولوا الدكتور علي وزير التموين مش قادر يسيطر على الأسواق، دا أمر لو تصورتوا أن الدولة تقدر تسيطر على دا صعب، لو لقيت المحل دا غالي متشتريش منه".

ومازح الرئيس السيسي وزير الداخلية وزارة الداخلية: "كل يوم تطلع تقولنا مسكنا ومسكنا، خليتوا شكلنا وحش، متمسكوا وخلاص من غير ما تقولوا".

قال السيسي: "مش عاوزين نتكلم في موضوع الأكل دا كتير في التلفزيون، وعندنا شفافية معاكوا، واحنا بنشتري ونحط في المخازن".

وعلق: "بنحاول نقلل الفجوات اللي مخلتش يكون هناك نمو، ومكنتش أقدر أسيب البلد تجمد كل شيء، نعمل على تشجيع المستثمرين ونوفر لهم أي حاجة للتصنيع، وعندنا خطة إنتاج الزيوت بدلا من الشراء من الخارج.

من جهته، قال وزير التموين علي المصيلحي إن هناك طفرة في إنتاج السكر رغم نقص زراعة قصب السكر، والذي تم تعويضه بزراعة البنجر.

ولفت "المصيلحي" :السنة اللي فاتت مستوردناش غير 200 ألف طن فقط، عكس 2017 اللي استوردنا فيها مليون طن، والفترةالمقبلة سيكون هناك اكتفاء ذاتي في السكر بالأسواق وسنصدره أيضا للخارج".

وعلق وزير التموين: "لدينا 4.9 شهر مخزون الزيوت، ولدينا كفاية ذاتية في الفراخ الحية والمجمدة ولدينا احتياطي 4 شهور للفراخ المجمدة".

وخلال كلمته، علق الرئيس السيسي قائلا: جهاز مشروعات الخدمة الوطنية دفع 14 مليار جنيه للكهرباء والضرائب في 2022.

هناك 12 شركة تعمل في المشروع، ولتحقيق التوازن في أسعار المواد الغذائية نحتاج لعدد أكبر من السلع في الأسواق، وكل منتد سيتم تصنيعه سيكون وفق المواصفات القياسية العالمية وموافقة هيئة سلامة الغذاء.

وعلق الرئيس السيسي: 

بقول لأهلنا في المدارس منظومة الغذاء مؤمنة، وأتمنى تكون التغذية تكون أكثر من الموجودة حاليا، مش باكو بسكوت بس، لا هنوزع على طلبة المدارس علب ألبان كمان.