"شاكوش": بقرف من التيك توك بسبب الأشكال اللي عليه

حسن شاكوش

أعرب الفنان حسن شاكوش، عن استيائه من تدن مستوى المحتوى المقدم على تطبيق "التيك توك" بشكل خاص، ومواقع التواصل الاجتماعي بشكل عام.

وذكر شاكوش، من خلال فيديو عبر حسابه الشخصي على “فيسبوك”: "الواحد بقى بيشوف حاجات غريبة على التيك توك والموضوع بقى مقرف جدًا الصراحة، حتى التيك توك اللي كنا بنحب نتفرج عليه علشان يهون علينا ونشوف حاجات تضحكنا".

وتابع: “بقينا نشوف عليه عبط وهبل والعيال اللي بتعمل تحديثات و لايفات .. اللي بيحمي نفسه بالشطة واللي تبهدل نفسها.. إيه الهبل اللي أنتوا فيه ده؟! .. فيه ناس كتير محترمة وفيه ناس كانت بتستفاد منه وأنا شخصيًا كنت بستفاد منه، إنما القرف اللي الواحد بيشوفه ده مش ممكن، اعمل حاجة تفيدك ولو محتاج فلوس اعمل حاجة تفيد الناس علشان لما عيالك يكبروا يشوفوا إنك بتقدم محتوى كويس وهادف".

‎وذكر: “ابنك لما يكبر هيلاقي أنك شاب هايف أو ست تافهة، هيبقوا زيكم، هل تقدر وأنت هايف تقول لابنك ما تعملش كده؟! .. الفلوس مش كل حاجة ده قرف .. وأول مرة أطلع أتكلم على حاجة لكني بقيت أكره أفتح التيك توك بسب الأشكال اللي الواحد بيشوفها فعلاً"، ولمشاهدة الفيديو كامل اضغط هنا.

حسن شاكوش أغاني حسن شاكوش تيك توك

اخبار متعلقة