غادة عبد الرازق تكشف عن معاناتها مع الأطباء النفسيين

غادة عبد الرازق

كشفت الفنانة غادة عبد الرازق، عن معاناتها مع الأطباء النفسيين، وأغرب انتكاسة حدثت لها بسبب طبيب نفسي، موضحة: "دكتور كبير في السن وعظيم لقيته بيلف بالكرسي فقلت يمكن حاجة وقعت منه وبعدين لقيته بيقولي احكيلي فلقيته بيلعب في الأجندة وبيشوف موبايله وبيفتح الدرج وبيعمل حاجات لا تدل على اتزانه وبعدين لقيته بيقولي مش هتعملي حاجة خدي الأدوية وتعاليلي بعد شهر ويلا امشي امشي فحسيت انه متوتر وبعدين وأنا خارجة لقيته متوتر ولما خرجت قلت للبنت الممرضة قلت لها بلغي عن الدكتور".

وأضافت خلال لقائها ببرنامج “معكم” الذي تقدمه الاعلامية منى الشاذلي بقناة “أون”: "أخدت الأدوية بتاعت الدكتور النفسي واتنكست الساعة 2 بالليل كنت هاعمل جريمة في نفسي، هايبرت وايديا بتترعش جابولي الدكتور بتاعي وقالهم الأدوية دي بتأثر على المخ".

ولفتت غادة عبد الرازق: "المرة التانية لانتكاستي مع الدكاترة النفسيين، من 10 سنين كنت رايحة لدكتور أسنان، فلقيت حد فاتح عيادة طب نفسي فقلت العيال شكلها شيك والدكتور بتاعهم اكيد كويس، فقلت له يا دكتور ممكن تعدي علي البيت فجالي بعدها بأسبوع، وأول لما اقعد علي الكنبة قلع الجاكيت راميه والشنطة بتاعته راميها، فقلت يمكن جاي ومخنوق وبعدين لقيته بيفتح الشنطة ياخد الدواء ويشرب مياه، فقلت له انت تعبان فقال لي مين في الدنيا مش تعبان فقال لي أصل أنا عايز أطلق مراتي".

غادة عبد الرازق الأطباء النفسيين معكم قناة أون

اخبار متعلقة