طلب عاجل من يحيى الفخراني للرئيس السيسي بشأن سيناء
كتب : عبد اللاه رضوان
الأربعاء، 18 أكتوبر 2023 11:30 م
-
مشاركة
-
-
-
-
يحيى الفخراني
قال الفنان يحيى الفخراني عضو مجلس الشيوخ: "عندما تمت دعوتي لجلسة طارئة بالمجلس اليوم قلت يا نهار أسود شكلها إعلان حرب بجد، لأن مفيش حد بيحب الحرب ولكن لازم نبقى أقوياء ومستعدين وده ميزة التسليح الكبير اللي عمله الرئيس السيسي للجيش الفترة الأخيرة، لأن طول ما انت قوي محدش يقدر يجي ناحيتك، واللي بيحصل حوالينا مخوفنا كلنا".
ولفت خلال مداخلة هاتفية ببرنامج “يحدث في مصر” الذي يقدمه الإعلامي شريف عامر بقناة “mbc مصر”: "في بعض الاَراء كانت بتقول ليه بننفق كل الفلوس دي على تسليح الجيش المصري لكن في المواقف دي بيظهر ان ده مهم جدا".
وتابع: "الحمد لله إن ربنا رزقنا بالرئيس السيسي وأنا أشبهه بمحمد علي باشا لإنه كان بيحارب وفي نفس الوقت بيبني".
وأضاف: "الأرض والعرض متساويان بالنسبة للمصريين ولا يمكن التفريط فيهما، وكل ما أطلبه من الرئيس عبد الفتاح السيسي بقوله ابني على قد ما تقدر في سيناء وازحمها بالناس واحنا شعب بنحب الزحمة واعمل تخفيضات ومشاريع للشباب".
