أحمد موسى: طبق الكشري بـ50 جنيهًا.. واللي يلاقي السكر بـ27 جنيهًا يجيبه ليا| فيديو

أرشيفية

انتقد الإعلامي أحمد موسى، غلاء الأسعار في الأسواق، وعدم الرقابة.

وأكد "موسى"، خلال برنامج على مسئوليتي المذاع على قناة صدى البلد: "طول ما إحنا عندنا مشكلة دولار عندنا مشكلة في كل شيء؛ وعلى سبيل المثال كل واحد بيسعر الزيت زي ما هو عايز".

وذكر: "السكر قولنا سعره 27 جنيه لكن هل متوفر بـ27، حد يجيبه ليا لو فيه".

وقال "موسى"، إن الأسعار ترتفع بطريقة كبيرة، وبعضها دون سبب، وبعض السلع ترتفع يوميًا بنسب كبيرة، كما أن بعض المصانع خفضت إنتاجها.

وأشار إلى أن سعر فول الصويا سجل الطن 43 ألف جنيه بعدما كان 24 ألفا، والذرة سجلت 19 ألف جنيه للطن، والحد الأدنى لسعر اللحمة يبدأ من 240 حتى 420 جنيها، مضيفًا: "طبق الفول بـ20 جنيها وقرص الطعمية بجنيهين".

وعن "الكشري"، أوضح: "طبق الكشري كان بـ5/6 جنيهات، أما اليوم أصغر طبق بـ20 جنيها حتى 50 جنيها، وهناك محلات مشهورة تصل سعر الوجبة بها 100 جنيه، و50 جنيها دي كانت تجيب كيلو لحمة زمان".

وتابع: "سعر الأرز يبدأ من 30 لـ45 جنيها، والسكر بدأ يختفي مرة أخرى، والخضروات والفاكهة ارتفعت قليلًا، والفاصوليا البيضاء بـ100 جنيه، والعدس بـ80 جنيها، وكيلو وراك الفراخ بـ90 جنيها، واللحم المستورد بـ300 جنيه".