فيفي عبدة: جميع الأزواج لديهم نزوات.. والست المفروض تعمل نفسها مش عارفة وتعدي

فيفي عبدة

قالت النجمة فيفي عبده، إن جميع الأزواج لديهم نزوات ويخونون زوجاتهم، على حد قولها.

وذكرت "عبدة"، خلال حوار ببرنامج "حبر سري"، مع الإعلامية أسما إبراهيم، على قناة القاهرة والناس: "الرجالة كلها بتخون واللي تقول مش بيخون وماشي على الصراط المستقيم مش صحيح، وبتبقى قمر وتتخان، والمفروض تعمل نفسها مش عارفه".

وأكدت: "الست لو واجهت الراجل بخيانته أكبر غلط لها في الحياة، والحياة صعبة ونسبة الطلاق عالية جدا، وهي حقها تفتش وراها، وحقه يخلي باله من مراته، ولكن الست لازم تفهم ولو عرفت أنه بيخونها تطنش"، مضيفة: "الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي".

وعن انتقاد الموجه للنجمات كبار السن التي تقرر الزواج، قالت: "هي الكبيرة متتجوزش ليه، والناس المفروض متنتقدش، وفي ناس بتبقى محتاجة ونس في البيت، وفي ناس بتربي حيوانات ولما يكون معاك ‘نسان تتكلم مع حد غير أنك كبرت وخلاص".

وأشارت "عبدة"، إلى تلقيها عروض زواج بشكل يومي على منصات مواقع التواصل الاجتماعي، متابعة: "كل يوم بيجي لي عرسان، والتعليقات كلها طلبات زواج ولكن أنا ست متجوزة ولو أنا وحيدة أتجوز".

وأكدت سعادتها بظهور النجمة الكبيرة نجاة في حفلة مؤخرا، مؤكدة: "أنا فرحت جدا بظهور نجاة واللي بيبطل شغل بيتنسي ولو أنا مش في الميديا كنت اتنسيت".