فيفي عبدة تعترف بزواجها عرفيًا.. وتوضح: فترة خطوبة وبعده بكتب الكتاب رسمي

الحلقة

أكدت النجمة فيفي عبده، رفضها لفكرة الزوجة الثانية، وفي حالة معرفتها بأن زوجها متزوج غيرها لا تريد معرفة تفاصيل عن هذه الزيجة ولا مشاكلها.

وقالت "عبدة"، خلال حوار ببرنامج "حبر سري"، مع الإعلامية أسما إبراهيم، على قناة القاهرة والناس: "مقدرش أكون زوج تانية، ولو هو متجوز أنا مشوفهاش ولا أعرفها"، مضيفة: "أنا مش بدور على الراجل ولكن هو اللي بيدور عليا".

واعترفت "عبدة"، بالزواج العرفي واعتبارها لهذه الفترة فترة خطوبة، مضيفة: "اعترف بالجواز العرفي لأني مخليش الراجل يلمسني إلا لما يتجوزني، واعتبرها فترة خطوبة ثم اكتب كتاب رسمي، وكل اللي اتجوزتهم محترمين وحظي كان كويس".

وكشفت "عبدة"، عن شراء كفن لها كل عام من السعودية ثم تتصدق به، متابعة: "مش كاتبه وصية وسيباها على الله، وأولادي عندهم قناعة بالرزق، ورأي اللي يموت ميسبش حاجة ويصرف لآخر مليم".

وذكرت: ""القرش احنا اللي بنجيبه مش هو اللي بيجيبنا وصحتنا أهم حاجة"، ومزحت قائلة: "الناس عماله تفلسع ولازم افكر في التربة، وفجأة تلاقي الناس كتير بتموت وكل أسرة فيها ناس تموت".

وقالت: "وقت كورونا قعدت سنتين مشوفش حد خالص، وأول خروجة خرجتها رجعت مصابة، ودي من ضمن الحاجات السودة التي مريت بيها، وفضلت معزولة ولا حسه بحاجة".