محمد رجب: موافق إن اسم محمد رمضان يتكتب قبلي على أي عمل "فيديو"

حلَّ محمد رجب، ضيفًا ببرنامج "أسرار"، مع الاعلامية اميرة بدر، المذاع على قناة النهار، أمس الأحد.

وكشف الفنان محمد رجب، عن علاقته بالفنان أحمد عز، وموقفه من العمل مع النجم محمد رمضان حال عرض العمل معه.

وقال، إن أحمد عز صديق مقرب له وعاشوا مع بعض كل التجارب حتى الانطلاق في العمل الفني، وكان بيسيب السياحة وأنا اسيب الشغل بتاعي ونشوف حظنا وكنت بروح له البيت كتير بعد ما خلصنا مذكرات مراهقة".

وأضاف:"كنا بنشوف بعض بشكل يومي في أعمال فنية وهو ملتزم وصاحب صاحبه ومش بيحب يجيب سيرة حد وفي حالة، وبقالنا كتير متقبلناش لكن بيننا عشرة سنين كتير أوي".

وحول موقفه من العمل مع محمد رمضان: "موقفي مترتب على الدور من ناحية حجمه والوضع اللي هبقى في الفيلم عامل ازاي ولازم اشوف الورق الأول، أنا بحب محمد رمضان ولو في موضوع يليق بيا وبحجمي أعمله".

وتابع: "محمد رمضان ميجا ستار وأنا ستار، المفروض اسمه يتكتب قبل اسمي على العمل، وعشان اقدر أروح المشوار اللي أنا عايزة لازم اعرف أنا قاعد فين الأول، وهدفي أكون ميجا ستار وأنا بعمل اللي عليها وإنها تيجي أو متجيش شيء بتاع ربنا".

ويخوض محمد رجب السباق الرمضاني بمسلسل "الحلانجي" بطولة محمد لطفي، عبير صبري، محمود قابيل، ايتن عامر، أحمد وفيق، وغيرهم من الفنانين، وتأليف محمود حمدان، وإخراج معتز حسام، وإنتاج ممدوح شاهين.