مصطفى بكري : الجيش المصري يأدب ويربي أي حد

مصطفى بكري

قال الإعلامي مصطفى بكري إن الرئيس عبد الفتاح السيسي يضع خطوطًا حمراء لا ينبغي لأحد تجاوزها، مؤكدًا أن القوات المسلحة قادرة على التصدي لأي تهديد، وأضاف: "جيشنا يقدر يربي اللي ما اترباش، ويعلم اللي ما عرفش تاريخ بلده".

وخلال تقديمه برنامج "حقائق وأسرار" على قناة صدى البلد، أوضح بكري أن هناك حالة من الاستياء لدى المواطنين من أداء بعض المسؤولين، مشيرًا إلى أنهم لا يسيرون على نهج الرئيس السيسي، وقال: "اللي مش هيمشي على نفس الطريق علشان مصر تبقى في مكانة كبيرة، ما ينفعش يكمل".

وأضاف: "اللي يهمني مصلحة البلد، والرئيس اللي بيشتغل ليل نهار، لكن لو ظهرت ممارسات مخالفة لنهجه، هيفتحوا الباب لتدخلات الإخوان وغيرهم، وفي مناطق الأمل فيها انطفى".

وأضاف" من قلب رجل محب، بقولك يا سيادة الرئيس: لابد من التغيير لبعض المسؤولين اللي مش بيشتغلوا لصالح الوطن، عايزين ناس زيك، قلبها على الناس".

واختتم بكري حديثه قائلًا: "يا سيادة الرئيس، أنت المنقذ والمنجز، شلت هموم كتيرة ونفذت مشروعات كبيرة، واحنا محتاجين ناس عندها نفس الحب والانتماء، ناس بتحس بالناس وبتشتغل من أجلهم، بقولها من منطلق وطني خالص".