دنيا سامي تدافع عن مصطفى غريب بعد الهجوم عليه: "اللي بينّا هزار.. وهو ضهري في الحياة"

خرجت الفنانة دنيا سامي عن صمتها لتدافع عن زميلها الفنان مصطفى غريب، بعد موجة الانتقادات التي تعرض لها على مواقع التواصل الاجتماعي، عقب عرض حلقتها مع الإعلامية إسعاد يونس في برنامج "صاحبة السعادة"، مؤكدة أن تصريحاتها عنه كانت على سبيل الدعابة والمزاح لا أكثر.

تصريحات دنيا سامي: "أنا ومصطفى اتمرمطنا سوا"

كتبت دنيا سامي عبر حسابها الرسمي على موقع فيسبوك: "بالنسبة للبوستات المنتشرة اللي مشير حلقتي مع أستاذة إسعاد يونس اللي أنا بقول فيها إن مصطفى غريب بيتريق عليا وبيقول عليا وحشة، وده طبعًا جاب لمصطفى الكلام والشتيمة.. أولًا شكرًا على دفاعكوا عني، بس أنا أصلًا مش زعلانة من حاجة، وأنا ومصطفى صحاب ودفعة واحدة، وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر".

إشادة بدور مصطفى غريب في حياتها: "أطيب بني آدم"

وأضافت دنيا سامي في منشورها: "مصطفى غريب ده أقرب وأجدع وأطيب بني آدم في حياتي، وحياة كل صحابه، ولو قعدت أتكلم عليه من هنا لـ100 سنة مش هيكفي والله قد إيه هو ضهري في الحياة".

توضيح لسياق المزاح: "اللي اتقال هزار بين الصحاب"

واستكملت الفنانة الشابة: "اللي أنا قولته في البرنامج على اللي مصطفى بيقوله عليا ده هزار بين أي صحاب في أي شلة. وأنا الحمد لله معنديش عقد، ومش حتى عندي عقد، ومش عارفة ومش عندي عقد هتظهر بعد كده. هو بجد مفيش حاجة، وأصلًا لو كملتوا باقي الحلقة مع أستاذة إسعاد هتعرفوا إننا مسكناه تريقة وتقطيع أكتر من اللي هو بيهزر فيه معايا بكتير".

رسالة أخيرة: "محدش يشتم مصطفى غيري"

واختتمت دنيا سامي رسالتها قائلة: "ولو سمحتوا محدش في الدنيا يشتم مصطفى غريب غيري".