طفلة تخطف القلوب عبر مواقع التواصل بـترند "كيس الشيبسي" فيديو

أشعل مقطع فيديو لطفلة مصرية مواقع التواصل الاجتماعي، بعدما ظهرت وهي تتنازل عن كيس "شيبسي" كانت تشتريه، لتمنح ثمنه لرجل فقير صادفته في أحد الشوارع.

هايدي تتصدر الترند بكيس الشيبسي

وكتبت الفتاة التي نشرت الفيديو معلقة: "النهاردة بنوتة كانت بتشتري كيس شيبسي، ولما شافت راجل غلبان رجّعت كيس الشيبسي وادته الفلوس اللي معاها، ولما صاحب المحل عرض عليها تاخده ببلاش رفضت. نفسي أشوف أبوها وأمها اللي ربوها على الأخلاق دي".

إشادة واسعة بالطفلة هايدي

وانهالت التعليقات المشيدة بالطفلة، حيث كتب أحدهم: "ما شاء الله ربنا يحميكي"، فيما قال آخر: "يسلم اللي رباها جزاها الله خير".

وفي أول تعليق لها على الواقعة، قالت هايدي : "أنا دايمًا بحب أساعد الناس وخاصة الصغار والمحتاجين، وعمو في السوبر ماركت جري ورايا عشان يديني كيس شيبسي تاني، بس أنا مرضتش، قلت له لا شكرًا.. بابا مش بيحرمني من حاجة، وربنا يخليه ليا".

وأضافت: "كنت خارجة من الدرس، وهروح أنام شوية وبعدين أذاكر، ولما شفت الراجل صعب عليا، واديت له 5 جنيه كانت تمن كيس الشيبسي، وقلت أكيد ربنا هيعوضني بأكتر منها".