عمرو أديب للحكومة: الناس محتاجة تعليم وصحة.. مش مشروعات ملهاش أولوية
السبت، 22 نوفمبر 2025 12:00 م
-
مشاركة
-
-
-
-
طالب الإعلامي عمرو أديب بوقف تدخل الدولة في المشروعات الاقتصادية والاستثمارية، مؤكدًا أن دور الحكومة يجب أن يكون في التسهيل والمراقبة فقط، وليس التنفيذ المباشر.
وقال أديب خلال برنامجه "الحكاية" على قناة MBC مصر: كفاية الدولة كفت ووفت في طرق وكباري ومشروعات وفراخ وبيض وخضروات.. الحكومة دخلت في كل حاجة مش لازم تكون شغالة فيها".
وأضاف أن الدولة قامت بـ"ضربة البداية" في مشروعات كتير الفترة اللي فاتت، لكن الوقت الحالي محتاج انسحاب تدريجي لصالح القطاع الخاص، قائلاً: خلاص كتر خيرك.. كان فيه وقت البلد مافيهاش استثمارات، دلوقتي الوضع اختلف.
الاستثمار في القطاع الخاص
وأشار أديب إلى أنه مش فاهم ليه الدولة عايزة تعمل مدينة إنتاج إعلامي جديد أو مدينة تكنولوجية، مؤكدًا أن القطاع الخاص هو الأقدر على دراسة وتنفيذ المشروعات دي.
وتابع: أي فكرة جديدة.. مدينة إعلامية ولا تكنولوجية ولا مصنع.. ادوها للقطاع الخاص فورًا.. دور الدولة يبقى مراقب ومسهّل مش منفذ.
وأكد أن دور الحكومة لازم يتحول إلى "ادخلي بالأرض بس والباقي على المستثمر: يجيب التمويل، يعمل دراسة جدوى، يبني ويشغّل الناس.
المدن الترفيهية العالمية
وضرب أمثلة بالمدن الترفيهية العالمية: ديزني لاند ويونيفرسال ستوديوز، مؤكدًا أنها تدار بالكامل عبر شركات خاصة وليس الحكومات.
