أول تعليق من فادي خفاجة بعد إخلاء سبيله في قضيته ضد مها أحمد

وجه فادي خفاجة رسالة اعتذار إلى مها أحمد وزوجها مجدي كامل، في أول ظهور له بعد إخلاء سبيله اليوم، عقب حبسه في تهمة السب والقذف ضدهما.

وقال فادي خفاجة في رسالته: أستاذة مها وأستاذ مجدي، يارب تكونوا بخير، أنا بعتذر جدًا عن أي حاجة صدرت مني كانت غلط، وأنا غلطت وبعترف بغلطي جدًا وكنت في لحظة شيطان وغضب وغير إدراك".

وأضاف فادي خفاجة: كانت فترة في حياتي ربنا ما يعودها تاني واتعافيت منها بدون تفاصيل، بوقت ومجهود، أنا غلطت والحمد لله حياتي استقرت وبقالي فترة الأمور تمام، وبعدت عن أي حاجة وحشة ومش عارف بقول كده ليه ولكن علشان أثبت أن دي فترة في حياتي ربنا ما يعودها بكل تفاصيلها.

واختتم: أنا آسف وحقكم على راسي، وتحت أمركم في أي حاجة تؤمروا بيها، في النهاية أنتم أساتذة وليكم كل الاحترام والتقدير، وزي ما بيقولوا العفو عند المقدرة، ومستعد لأي حاجة تطلبوها كاعتذار لأن ده حقكم عليا وربنا يحنن قلبكم عليا.