"محتاجة رقابة ".. القصة الكاملة وراء الغياب المفاجئ لـ شيرين عبد الوهاب (فيديو)

أثار الشاعر تامر حسين جدلًا واسعًا حول أزمة الفنانة شيرين عبد الوهاب، مطالبًا بتدخل الدولة لرعايتها وحمايتها.

ونشر حسين عبر حسابه على موقع X:"بعيداً عن المُتاجرة والمُزايدة فى محبة شيرين اللى عايزلها الخير، يناشد الدولة إنها ترعاها وشيرين تفضل تحت عينهم مش أقل من 6 شهور على التوالى وفي مستشفيات خاصة للدولة مش برعاية زُملاء أو أصدقاء مهما كانوا قريبين لا يستطعون الرعاية الطبية الشاملة والكاملة".

وتابع حسين:"ومش هايقدروا على شيرين لو زهقت وعازت ترجع بيتها، هى محتاجة رعاية شديدة ورقابة بمنع أى حد من القرب مِنها إلى إن تتعافىّ وتقوم بألف سلامة، غير كده هانلف فى نفس الدايرة، ودى نصيحة خالصة لوجه الله ومن محبتى فى إنسانة طيبة وغالية علينا جميعاً. ماحدش هايقوم شيرين من اللى هى فيه غير شيرين والدولة فقط وربنا أولا وأخيرا".

وفي السياق نفسه، كتب الفنان شادي شامل عبر حسابه على Facebook: "بسيارة إسعاف نقل شيرين عبد الوهاب لمنزل فنانة شهيرة".

كما نشر الإعلامي عمرو أديب عبر حسابه على Twitter تعليقًا على الأنباء: "الحمد لله لم أكن أبالغ عندما قلت لكم يجب إنقاذها فورا ! شيرين فى حاجة لكل الدعم والأصدقاء".

وتوجه أديب برسالة مباشرة إلى شيرين عبد الوهاب، قائلاً:"يا شيرين أنا مابقولكيش اتكلمي معايا أنا مش مستني سبق لكن حرام يا بنتي أنا حاسس أن شيرين بتخلص أنا معرفش هي فين ومين معاها ومرتبطة بمين وصحتها عاملة إزاي ومحدش يعرف حاجة، شيرين دي ثروة مصرية وثروة عربية، أنا شايف أن في حالة من حالات الإنكار، ناس بتقول سيبوها في حالها طيب هي فين؟".

وتابع أديب:"في حاجة موجودة على السوشيال ميديا الناس بتنادي على شيرين إنتي فين؟ الأمر فيه حاجتين عندنا مأساة موسيقية أن أغانيها مش موجودة مقفول عليها، خناقة ما وحقوق، وفي مسألة داخلية بحمل شيرين مسئوليتها، هي شيرين فين وحالتها الاجتماعية إيه ونشاطها فين؟ شيرين مختفية، الأمور متسابة، شوية يطلع بيان يتقال أنه بصوتها، وشوية يتقال دا ai أو يطلع بيان عنها ثم يصدر تكذيب".