عم أطفال المنوفية: القاتل خلص عليهم بـ«إيشارب» وكان بيدور معاهم علينا
الأحد، 18 يناير 2026 09:14 م
-
مشاركة
-
-
-
-
قال هاني عبد الغفار، عم أطفال المنوفية، إن المتهم قام بخنق الأطفال باستخدام إيشارب، معلقا: «شنقهم بإيشارب، وواحدة من اللي في الشارع قالت ده آخر واحد كانوا ماشيين معاه، الواد لما سمع الكلام ده طلع جري، والناس جريت وراه ومسكتوه».
وأضاف عبد الغفار، خلال مداخلة هاتفية ببرنامج تفاصيل المذاع على قناة صدى البلد 2، أن الأجهزة الأمنية تحركت فور تلقي البلاغ، قائلًا: «المباحث كانت خدت خبر وجت قبضت عليه، وفي الوقت ده كانوا لقوا الولاد ناحية أرض زراعية بعيدة شوية، في سكة محدش بيروحها كتير، وده اللي حصل بالظبط».
وأوضح عم الأطفال أن خروج الأطفال في القرى أمر طبيعي، قائلًا: «الأولاد بيخرجوا في البلد لوحدهم، وإحنا غير المدن، الموضوع بسيط، العيال عارفين مكانهم وبيروحوا وييجوا في أمان، ومالهمش مع أي حد مشكلة».
وأشار إلى أن المتهم لم يكن محل شك من قبل الأسرة، مضيفًا: «الولد ده مالوش أهل ولا حد، ووالده مش موجود، ارتكب الفعل ده إزاي الله أعلم».
واختتم حديثه قائلًا: «القاتل في نفس سن والد العيال تقريبًا، وما كانش فيه أي شك خالص، كان مصاحبهم أوي، بيروح وييجي عندهم في البيت، وبيعاملوه زي ابنهم، وكان بيروح معاهم الغيط والأرض».
