الرئيس السيسي:بعتبر سيدنا محمد وأصحابه قدوة هائلة ووالدتي كانت شديدة الحكمة والصبر وتعلمت منها التجرد

خلال حضوره احتفالية"قادرون باختلاف" ، رد الرئيس عبدالفتاح السيسي على سؤال الفتاة أيه شلتوت بطلة ألعاب قوى، عن أكتر شخصية تاريخية يحبها؟" قائلا: "النبى محمد صلى الله عليه وسلم وأصحابه اللى هما كانوا مثل جميل للإسلام والمسلمين".

وأضاف الرئيس السيسى  :"احنا الحقيقة واللى حصل خلال السنين اللى فاتت مكوناش مثل جميل للإسلام والمسلمين، الإرهاب والتشدد والتطرف".

وتابع  الرئيس: "أصحاب النبى كانوا رحماء طيبين فاهمين قادرين، لكن احنا مش كده.. المؤذيين واللى بيؤذوا الناس.. عداوة.. عمرى مكونت عدو لحد، لكن بكره التطرف والتشدد كفكرة والغلو كفكرة لأنها بتدى قبح شديد لانسانيتنا، علشان كده بعتبر سيدنا محمد واصحابه قدوة هائلة".

وسألت الطفلة ملك محمد 9 سنوات بطلة مصر في السباحة في نادى الشمس  الرئيس عبد الفتاح السيسي،   "مين مثلك الأعلى"،  ورد الرئيس قائلا: "دائما الناس فى السؤال ده بتقول أشخاص.. أنا عندى نماذج كتير من الناس.. مخدتش حد لوحده يكون مثلى الأعلى.. أول من تأثرت بيهم وكانوا نموذج.. أسرتى اللى عشت معاهم.. والدى والدتى.. والدتى كانت شديدة الحكمة والصبر.. ومش عاوز أكون منحاز وأقول مش شوفت نموذج مثل ده.. والدتى علمتني التجرد.. يعنى أنى أشوف الأمور بمعيار بعيد عن الهوى والانحياز والتمييز، احكم عليها وأوزنها بالتجرد.. ومالقتش أعز منها ولا أكرم  منها.. الله يرحمها".

وأضاف الرئيس السيسي:والدى كان شديد الهمة وفضل يعمل من الفجر لغاية 12 بالليل.. وكان ميسور الحال ولكنه شديد الهمة ويحب العمل.. وخدت دى منه.. وكان لى عم شديد الكرم والرفق بالناس.. لم أر  فى حياتى نموذج كريم جدا مع الأطفال والضعاف.. ده عمى.. أنا مش خدت نموذج واحد.. والنماذج دى طيبة أتمنى من الله يجازيهم خيرا ويرحمهم .