الرئيس السيسي يدعو القطاع الخاص بالمشاركة في مشروع الرمال السوداء

طالب الرئيس عبدالفتاح السيسي، القطاع الخاص بالمشاركة في مشروع الرمال السوداء قائلا: " القطاع الخاص والشركات اللي ابتدت تشغل فيه تقدر تعمل كام مصنع ومجمع زي ده؟.. بتتكلم الكيلو بياخد سنة.. انت بتتكلم في 400 كيلو من الاحتياطيات..فرضا لو فيه شركة واحدة تقدر تشتغل 400 سنة طيب لو 10 شركات؟..طيب فيه فرصة للشركات تدخل في الموضوع ده علي ضوء المؤكد".

وقال الرئيس السيسي خلال افتاح مشروع الرمال السوداء: " دلوقتي وفيه كلام تاني وفرص في مكان تاني مثل بحيرة ناصر وبرنيس وممكن نعمل مصنع و3 و4.. أو لو عاوزين تخشوا في شراكة مع الدولة احنا جاهزين..المشروع بيكلف 4 مليارات جنيه، لو حبيته تعمله مصنعين و3 و4 هيكلف 20 مليار جنيه..كل المنتج اللي بيطلع بيتم تصديره للخارج".

وأضاف السيسي: "عاوز أقول لكل الشركات المصرية حتي لو مكنتش معنية بالثروة المعدنية الرقم اللي بنتكلم فيه مش كبير لكن في النهاية مشروع يدار بشكل وعائد طيب جدا ويزيد عن 25 %.

وأكد السيسي: "أي حد في القطاع الخاص بيفكر في العائد خلي بالك المشروع له عائد كويس قوي..بقول للقطاع الخاص شكل مجموعات متوافقة مع بعضها انتو أصدقاء وبتشتغلوا مع بعض..ممكن كيان بـ 30 مليار جنيه ومشروع زي ده ممكن يخلص في سنتين..لو قلت فيه 30 مليار جنيه في قطاع خاص بتدفقات مالية خلال سنتين يكون عندنا مصنعين و3 و4.

تابع السيسي: "أي حد في مصر مسؤول حريص علي انه لو فيه مجال للخير هيعمله..الفرصة جت من خلال مسار نجحنا فيه دلوقتي وعرفنا تفاصيله وحاجة اتشكلت وخرجت للنور من خلال المشروع ده..دراسات الجدوي بقول الكلام ده للي بيهتم بالمشروع ده تخليك تخش في الموضوع ده وانت مستريح وطلب السوق العالم كبير جدا يلبي أي منتج انت بطلعه ويتبقا جز من القيمة المضافة وده موضوع تان يخالص..فيه خامات طالعة ممكن يتعمل منها شغل في مصر قد يكلف كثيرا علشان يطلع..والبيانات الموجودة عندنا وجهاز الخدمة الوطنية كل ما هو معني بالموضوع ده البيانات محتاجة لكل اللي عاوز يشتغل في الموضوع ده".