خلال أيام.. السيسي: البنوك ستغطي المطلوب بالدولار لصالح الاعتمادات

أكد الرئيس عبدالفتاح السيسي، خلال افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، إن البنوك ستغطي المطلوب بالدولار لصالح الاعتمادات خلال مدة 3 أو 4 أيام.

وأضاف الرئيس السيسي: "كان فيه نقاش مع وزير البترول على موضوع السوداش لما كانوا بيكلموا المستثمرين علشان بنستوردها من بره، وبدل ما اشترى المنتج من بره أعمله عندي، والعمالة مصرية واشتريه بالجنيه المصري بدل الدولار، وكل ما طلع منتجات، وبقول كل ما هننتج حاجات بنجيبها من بره يبقا هنخفف العبء على الدولار".

كما وجه الرئيس عبد الفتاح السيسي، سؤالا إلى الدكتور مصطفي مدبولي، رئيس الوزراء، حول الإفراج عن البضائع والمنتجات الموجودة في الموانئ، قائلا: "ارجو وإحنا بنعلن ده.. إننا نكون موجودين وقت إطلاق القوافل والإفراج عنها، ونقول بيانات أكثر للناس".

وقال الرئيس السيسي: "عاوز اطمنهم وإحنا لما قولنا ده.. ربنا سبحانه وتعالي وفقنا ننفذ الالتزام.. بنتكلم عن مليارات كتير من الدولارات.. الناس ماسكه شوية في الدولار.. لا بأس.. وإحنا معانا دولارات برضه".

وأضاف  الرئيس السيسي: "بقول للمثقفين والإعلاميين وغيرهم.. كل كلمة ممكن تبقي عنوان كبير.. انتوا فاهمين أن المنتجات الزراعية أو المواد الغذائية تزيد مرتين وثلاثة.. من يستحمل ده.. والبلد كيف تواجه الحالة دي.. وهي ماسكه ما أمكن أن الأسعار ما تزيدش.