"أضرب أختك بخرزانة الغنم".. فتوى متشددة تتسبب في دخول شاب للسجن

تداول رواد موقع التواصل الاجتماعي "فيس بوك"، منشور لأحد الشباب بـ"التعدي على أخواتهن"، في حال رغبتها في الذهاب إلى fun day، وهو ما تسبب في استياء العديد من الأشخاص، وحبس الشاب.

تفاصيل الواقعة

كتب شاب يدعى إسلام بن شناوي، عبر حسابه على "فيس بوك"، منشور يحرض الشباب على ضرب أخواتهن قائلًا: "بص يا اخويا، لما أختك أو بنتك تقولك أنا طالعة fun day مع الدفعة، بالراحة كده وانصحها ووضح لها إن ده حرام وغلط؛ وبيحصل فيه كذا وكذا وخافي ربنا… إلخ، يعني تستخدم معاها كل وسائل النصح والخوف عليها، عشان تبقى عملت اللي قالك عليه الشرع".

وتابع: "سمعت النصيحة وقالتلك جزاك الله خيرا كان بها، مسمعتش النصيحة وقالت لأ أنا هاطلع وإنت مالكش كلام عليا ومش من حقك تمنعني… إلخ، بالراحة كده وهتاخد تليفونها وهاتجيب خرزانة بتاعة الغنم أو سلك كهرباء يلسع بس ما يكسرش، وتضربها بس مش ضرب انتقام، ضرب تأديب.. يعني ضرب لا يؤذيها، ليه طيب؟".

حبس الشاب

تباينت ردود الأفعال بعد نشر البوست ما بين الاستياء بسبب التحريض الواضح على العنف ضد الشقيقات، أو السخرية من الشاب بسبب آرائه المتشددة.

وكشف أحد أصدقاء الشاب، ويدعي حازم علي، أن إدارة الكلية أبلغت عن إسلام وتم حبسه، دون توضيح اسم الكلية أو فترة الحبس، معلقًا: "إسلام أنا معاه في الكلية، وهو دلوقتي في السجن، ربنا يفك أسره، إسلام شخصية محترمة، بس يا خسارة عايز يخلي الناس كلها تعبد ربنا وتبقى زي الصحابة، وتسرعه ده هو اللي خلاه في السجن، وربنا يهدينا ويهديه ويطلع على خير".