"دهن الخنزير".. لبن منتشر في الأسواق يشعل الجدل عبر مواقع التواصل الاجتماعي

تداول رواد مواقع التواصل الاجتماعي، صورة لنوع لبن شهير يحتوي على مادة "E471"، والذي أوضح الكثير أنها من دهن الخنزير.

 وذكرت الدكتورة سماح نوح، رئيس قسم الإرشاد البيطري، علي صفحتها الشخصية: "بمناسبة البوست بتاع اللبن اللي فيه مادة E471 واللي الكل قال إنها من الخنازير وحرام، ببساطة المادة دي E471 مشتقة ومصنعه من مصدر دهون وزيوت أما حيوانية أما نباتية  بالراحة كدا". 
 

وأوضح: "دهون حيوانية ممكن تكون من أصل دهون لحوم بقرية وهنا هتبقي حلال، وطبعًا أن يكون الدبح إسلامي، أو من دهون نباتية وزيوت زي مثلًا دهون الصويا وزيت النخيل،
وهنا هتكون حلال أو من دهون حيوانات محرمة زي الخنازير، يعني مش قاعدة أنها محرمة أو من خنزير بالذات".

 وتابعت: "تعالي بقي الصورة المنتشرة دي بتاع اللبن هتلاقي في السطر الأول حليب بقري .وطبيعي ومعقم..وبعدها مادة E471 ..ومادة E407 وبالتالي هنا مافيش خوف لأنها من أصل دهون بقرية".

وذكرت: "يعني لما تقرا هنشوف مصدر المادة أولًا هتلاقي مثلًا منتجات الغذاء الخاصة ب النباتيين.. هتلاقي المادة دي من أصل نباتي زي زيت النخيل أو دهون صويا وبالتالي حلال،
طب لو فيه منتج مبهم أو مجهول المعالم ومافيش علامة توضح حلال أو حرام يبقي نتجنب الشبهات، فيه منتجات مكتوب فعلا عليها انها تحتوي علي دهون خنزير أو مواد أخري زي الصورة التانية دي لنوع من الشوكولاته يعني بلاش خوف ورهبة للناس الحرام بين والحلال بين، ياريت نقرأ أي معلومات علي اي منتج قبل الاستخدام للأمان".