عبر فيس بوك | تامر حسني يوجه رسالة للشباب .. تعرف عليها

حرص الفنان «تامر حسني» على أن يكتب رسالة تشجيع وتحفيز جديدة للشباب يطلب منهم التركيز في مستقبلهم.

تامر حسني يشجع الشباب

كما كتب الفنان تامر حسني عبر حسابه بموقع التواصل الاجتماعي فيس بوك: «من خلال قرائتي ودراستي الفترة الأخيرة لبعض العلوم واهمها علم الدنيا اللي احنا فيها دي ومن خلال تجربتي الشخصية حابب اتكلم عن حاجة مهمة اوي وتخص كل واحد فيكم نفسه يتقدم، يتقدم في عصر الاحباط اللي احنا عايشين فيه ده».

وأضاف تامر حسني أيضًا في الرسالة عبر فيس بوك: «لو انت غلطت في حاجه زمان، ده مش معناه انك مينفعش تبقى ضد التصرف ده دلوقتي ده مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للافضل، فمتسمحش للناس انهم يستخدموا ماضيك عشان يهدوا فكرك الحالي دلوقتي، ده تطور طبيعي للي عايز يبقى انسان كويس وقلبه سليم»

وأكمل : «بالعكس بقى لازم لما حد يفكر يضايقك بطاقة محبطة، أنا عايزك تاخد الطاقة دي تشتغل بيها وتحولها لوقود حرق يخليك تنجح وتعلى أكتر عندًا في اللي عايزين يشوفوك فاشل وتبقى عاده عندك كل ما حد يحبطك تنجح وتطور نفسك زياده لحد ما اللي بيحبطك يشوفك فوق جدًا وفارق عنه، ساعتها هيضرب نفسه بالجزمة إنه كان بيحاربك عشان هو هتبقى طاقته فضيت وفشل عشان وظف طاقته ليك وانت وظفت طاقتك وطاقته لخدمتك فبقى عندك كذه دافع للنجاح يسخنك و يحفزك».

و تابع  حديثه، وقال: «هيجيلك هو بقى ساعتها ضعيف وندمان، اوعى تنتقم منه وافتكر ان العفو عند المقدره ثوابه كبير اوي عند ربنا فبرضه هتاخد أكبر ثوابه وبرضه بسببه وهتعلى تالت، وبكده انت بذكائك وايمانك بنفسك وتقديسك لوقتك عرفت تخلي كل اللي جالك منه أو من الناس اللي شبهه في مصلحتك انت عشان ركزت في نفسك ومشيت في حالك زي ما ربنا عايزك وحذفت الناس المحبطه من حياتك».