دار الإفتاء توضح المعفى من زكاة الفطر

دار الإفتاء المصرية

ذكرت دار الإفتاء المصرية، أن الفقير الذي لا يملك ما يأكله -هو ومَن تلزمه نفقته- ليلة العيد لا تجب عليه زكاة الفطر.

جاء ذلك عبر صفحتها الرسمية على موقع التواصل الاجتماعي فيسبوك.

وفي وقت سابق، نشرت داء الإفتاء المصرية، كيف قدرت قيمة زكاة الفطر، بطريقة سهلة وبسيطة وميسرة ولغة عامية أيضًا، عبر صفحتها على فيسبوك.

وقالت دار الإفتاء الآتي:

حسبناها على القمح اللي بيتعمل منه العيش اللي كل الناس في مصر بتأكله لأن بيوت كتير مش بتاكل لا رز ولا تمر ولا زبيب.

طيب سعر إردب القمح كام ١٧٠٠ جنيه، والأردب فيه ١٥٠ كيلو، يبقى سعر الكيلو كام ١١.٣٣ جنيهًا.

طيب والزكاة أد أية ٢.٦ كيلو، يبقى نضرب ٢.٦ كيلو * ١١.٣٣، يطلع الناتج ٢٩.٤٦.

ودار الإفتاء قالت إنه ٣٠ جنيه، و٣٠ جنيه الحد الأدنى يعني طلع أكتر من ٣٠ جنيه لو معاك ودخلك يسمح لك، بس اللي مش هيقدر فأقل حاجه يطلعها عن الفرد ٣٠ جنيه.

طيب أنا شايف إن ٣٠ جنيه قليل مش هتعمل حاجه، يبقى تطلع ما ترضاه نفسك وتحس إنه له قيمه، لكن لا تقل عن ٣٠ جنيه ولا تلزم غيرك يطلع زيك لأن ممكن يكون غير قادر.

وتخرج قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر.