تعليق هام من كامل الوزير على زيادة أسعار تذاكر المترو

قال المهندس كامل الوزير وزير النقل:"أسعار تذاكر المترو لم تتحرك منذ 2019 وفيه حاجات كتير النهارده اتغيرت خاصة بالنسبة للرواتب وسعر الدولار".

وأوضح خلال مداخلة هاتفية ببرنامج “على مسئوليتي” الذي يقدمه الإعلامي أحمد موسى بقناة “صدى البلد”: هيئة الأنفاق والسكة الحديد هيئات اقتصادية وبتصرف علي نفسها من الدخل اللي جايلها، لذلك علي الأقل لازم يجيبوا مصاريف التشغيل والمرتبات، وبالرغم من كده هنفضل ناخد دعم من الدولة للموظفين والطلاب وأسر الشهداء والمصابين وذوي الاحتياجات الخاصة".

وأضاف:"في أغسطس 2022 الرئيس السيسي رفض زيادة اسعار تذاكر المترو والسكة الحديد، وتم زيادة الدعم من وزارة المالية، وحصلنا علي دعم 5 ملايين جنيه".
ولفت:"لما المرتبات زادت بشكل كبير، كان لازم نزود أسعار تذاكر المترو والسكة الحديد، إحنا عندنا 50 ألف موظف في السكة الحديد مرتباتهم 4 مليارات جنيه سنويا، هنجيب مرتباتهم منين".

وأشار:"يتبقى 6 مليارات جنيه ديونا علي السكة الحديد لصالح وزارة البترول، و35 مليار جنيه تحملتهم المالية". 
 
ولفت:"مع فارق سعر الدولار بقينا خلاص مديونين، ومش قادر ألاقي مرتبات، ووزير المالية قال لي أنا هوفرلك مرتبات الشهر اللي فات وبعد كده اتصرف انت".
وأكد:"زودنا أسعار التذاكر  لإننا مش هنوقف المترو ولا السكة الحديد، كان لابد من تحريك سعر تذكرة مترو الأنفاق والسكة الحديد لزيادة مصاريف التشغيل ورواتب الموظفين والعاملين".
وأوضح:"كان لابد من زيادة 2 جنيه في كل مرحلة بمترو الأنفاق ، ولكن هذا لم يحدث، وتذكرة منطقة واحدة 9 محطات أصبحت بـ6 جنيهات، وتذكرة 3 مناطق 23 بـ12 جنيها و15 جنيها لأربع مناطق، واستحداث تذكرة جديدة لما يزيد على 23 محطة بمترو الأنفاق بسعر 15 جنيه".

وأكد: اشتراكات المترو بالنسبة للموظفين توفر نصف قيمة تذكرة الركوب العادية، أما مصابو وأسر شهداء الشرطة والجيش والثورة فنسبة التخفيض علي التذاكر تتراوح ما بين 75 الي 77%، أما كبار السن فوق الـ60 عاما فنسبة التخفيض تصل الي 61%، ومن حق من هم فوق الـ70 عاما الحصول علي تذاكر مجانية، أما اشتراكات ذوي الهمم فتعتبر 2% من أصل سعر التذكرة، أما اشتراكات الطلاب 5% من أصل اسعار التذاكر.
 
وتابع كامل الوزير:"اللي بيحبنا هيفضل فاهم واللي مش بيحبنا لو قيدناله صوابعنا العشرة شمع هيفضل يهاجمنا".

 
وأكد:"ثبات نسبة التعريفة المحصلة الخاصة باشتراكات الطلاب من قيمة التذكرة الفعلية للسكك الحديدية".

وأوضح: لا زيادة في أسعار تذاكر قطارات الدرجة الأولى والثانية، لأن نسبة الإشغال مرتفعة جدا، ولا نريد تحريك الأسعار حتى لا ينصرف الراكب ويذهب للمواصلات البديلة.