إمام عاشور يوجه رسالة لجماهير الأهلي بعد إصابته

إمام عاشور

وجه إمام عاشور، نجم وسط النادي الأهلي، رسالة مؤثرة إلى جماهير الفريق قبل خضوعه لعملية جراحية في أمريكا، إثر إصابته بكسر في عظمة الترقوة خلال مباراة الأهلي أمام إنتر ميامي في افتتاح مشواره بكأس العالم للأندية 2025.

وكتب عاشور عبر خاصية "الستوري" على حسابه الرسمي بموقع إنستجرام:"ما قدّره الله لك سيأتيك، وما لم يقدّره لن يصيبك.. الحمد لله على كل حال. الإصابة كانت صعبة وجت في أول لحظاتي في البطولة، وده قدر ربنا ولازم أقبل بيه".

وأضاف" كنت أتمنى أكون في الملعب وأقاتل مع إخواتي، لكن دا نصيبي، ودلوقتي داخل أعمل العملية، وإن شاء الله أرجع أقوى."

وشدد"الإحساس اللي جوايا مش سهل، لكن اللي مخليني ثابت هو إيماني بدعمكم ودعواتكم. المرحلة دي محتاجة إنكم تكونوا في ضهر كل لاعب في الفريق، سواء قديم أو جديد".
وأوضح" كلهم بيلعبوا بروح وحب حقيقي للنادي، وبيخافوا عليه دعمكم بيفرق جدًا، واللاعيبة مستنياكم دايمًا."

ومن المقرر أن يُجري إمام عاشور الجراحة في تمام الساعة الثالثة عصر اليوم (الأحد) بتوقيت ميامي، بعد تأكد إصابته بكسر في الترقوة، وهو ما يعني غيابه عن باقي مباريات الأهلي في البطولة.