الكورة لعبة للمتعة.. وزارة الأوقاف تحذر الشباب قبل قمة الأهلي والزمالك
الإثنين، 29 سبتمبر 2025 04:15 م
-
مشاركة
-
-
-
-
وجهت وزارة الأوقاف تحذيرًا للشباب من الخلافات والمشادات المتعصبة، بالتزامن مع مباراة القمة بين الأهلي والزمالك، والمقرر لها مساء اليوم الاثنين على استاد القاهرة الدولي.
وكتبت وزارة الأوقاف في رسالتها: "بتخاصم أصحابك… وتتعصب علشان فريق كورة؟، الكورة لعبة… معمولة علشان المتعة والتشجيع والتنافس الشريف، لكن لما تتحول لتعصب وخصام وشتايم… ساعتها بتضيع معناها الجميل".
وأضافت: "سيدنا النبي قال: «سباب المسلم فسوق، وقتاله كفر» – متفق عليه، وقال عن العصبية: «دعوها فإنها منتنة»، يعني ولا في كورة، ولا في تشجيع، ينفع نخسر أخلاقنا أو نجرح غيرنا".
وتابعت: "الفريق اللي يخسر النهاردة ممكن يكسب بكرة، لكن اللي يخسر احترامه وأصحابه… بيخسر كل حاجة. شجّع، وافرح، بس بأدب... شجع فريقك بحب، من غير ما تظلم أو تجرح".
واختتم: "ساعتها هتكون بتعمل دعاية حقيقية لبلدنا وأخلاقنا، اللهم ألف بين قلوبنا، واهدنا لأحسن الأخلاق، لا يهدي لأحسنها إلا أنت، واصرف عنا سيئها لا يصرف عنا سيئها إلا أنت.
