عمرو محمود ياسين يدافع عن مخرج حفل افتتاح المتحف المصري الكبير

دافع عمرو محمود ياسين عن مخرج حفل افتتاح المتحف المصري الكبير بالأمس، بعد الانتقادات المتعددة التي وجهت له بسبب بعض الأخطاء التي شهدها النقل التلفزيوني.

وكتب عمرو محمود ياسين على صفحته الرسمية: "يا جماعه خلاص يا جماعه والله عيب والله العظيم عيب مش معقول يعني لو فرض ان المخرج عنده بعض الاخطاء مش معقول السوشيال ميديا كلها طالعه يا تهاجمه يا تستظرف عليه يا يتنمروا عليه".

وأضاف: "اللي بينزل صورته وحاجات غريبه جدا وكانه الراجل المحترم ده ما لوش اهل ما لوش اولاد ما لوش زوجه. مالوش اب مالوش ام. ... حد فكر فيه هينام الليله دي ازاي ؟ حد فكر في اسرته؟".

وتابع: "في الاول والاخر اللي مش عاجبه الاخراج فانت فاهم كويس جدا ان المساله كلها لا تتعدى عدم التوفيق! عادي كلنا ممكن نعمل شغلانه ويبقى عندنا حظ وننجح ونكسر الدنيا او يبقى عندنا عدم توفيق وما نحققش افضل اداء ليه المشانق اللي بتتعلق دي ؟ وفي الاخر لما حد بيجراله حاجه من الضغط النفسي بنزعل !!! انتم متخيلين الراجل ده بقى له قد ايه تحت ضغط نفسي رهيب ومجهود كبير؟ بالراحه شويه بالراحه مش كده".

عمرو محمود ياسين حفل افتتاح المتحف المصري الكبير المتحف الكبير المتحف المصري الكبير

اخبار متعلقة