الأوقاف قبل قمة السوبر بين الأهلي والزمالك: شجع بأدب وبحب
الأحد، 09 نوفمبر 2025 02:26 م
-
مشاركة
-
-
-
-
وجهت وزارة الأوقاف رسالة للجماهير قبل قمة الأهلي والزمالك في نهائي كأس السوبر المصري اليوم الأحد.
وكتبت عبر صفحتها الرسمية: "بتخاصم أصحابك… وتتعصب علشان فريق كورة؟، الكورة لعبة… معمولة علشان المتعة والتشجيع والتنافس الشريف.. لكن لما تتحول لتعصب وخصام وشتايم… ساعتها بتضيع معناها الجميل",
وأضافت: "سيدنا النبي قال: «سباب المسلم فسوق، وقتاله كفر» – متفق عليه، وقال عن العصبية: «دعوها فإنها منتنة»، يعني ولا في كورة، ولا في تشجيع، ينفع نخسر أخلاقنا أو نجرح غيرنا".
وتابعت: "الفريق اللي يخسر النهاردة ممكن يكسب بكرة، لكن اللي يخسر احترامه وأصحابه… بيخسر كل حاجة، شجّع، وافرح، بس بأدب، شجع فريقك بحب، من غير ما تظلم أو تجرح".
واختتم: "ساعتها هتكون بتعمل دعاية حقيقية لبلدنا وأخلاقنا، اللهم ألف بين قلوبنا، واهدنا لأحسن الأخلاق، لا يهدي لأحسنها إلا أنت، واصرف عنا سيئها لا يصرف عنا سيئها إلا أنت".
